| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. हिरीसुत्तवण्णना
8. Hirīsuttavaṇṇanā
१८. निसेधेतीति निवारेति पवत्तितुं न देति। पुच्छति देवता। अपहरन्तोति अपनेन्तो, यथा सब्बेन सब्बं अक्कोसवत्थु न होति, एवं परिहरन्तोति अत्थो। बुज्झति सारथिविधं। अत्तनि निपातं न देति, आजानीयो हि युत्तं पजानाति। अभूतेन अभूतक्कोसेन परिमुत्तो नाम नत्थि बालानञ्च जनानं परापवादे युत्तपयुत्तभावतो। तेनाह भगवा –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘निन्दन्ति तुण्हिमासीनं, निन्दन्ति बहुभाणिनं।
‘‘Nindanti tuṇhimāsīnaṃ, nindanti bahubhāṇinaṃ;
मितभाणिम्पि निन्दन्ति, नत्थि लोके अनिन्दितो’’ति॥ (ध॰ प॰ २२७)।
Mitabhāṇimpi nindanti, natthi loke anindito’’ti. (dha. pa. 227);
तनुयाति वा कतिपया। तेनाह ‘‘अप्पका’’ति। सदा सताति हिरिनिसेधभावे कारणवचनं। पप्पुय्याति पत्वा अधिगन्त्वा। वानतो निक्खन्तत्ता निब्बानं, असङ्खतधातु।
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
हिरीसुत्तवण्णना निट्ठिता।
Hirīsuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. हिरीसुत्तं • 8. Hirīsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. हिरीसुत्तवण्णना • 8. Hirīsuttavaṇṇanā
