| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৮. হিরীসুত্তৰণ্ণনা
8. Hirīsuttavaṇṇanā
১৮. নিসেধেতীতি নিৰারেতি পৰত্তিতুং ন দেতি। পুচ্ছতি দেৰতা। অপহরন্তোতি অপনেন্তো, যথা সব্বেন সব্বং অক্কোসৰত্থু ন হোতি, এৰং পরিহরন্তোতি অত্থো। বুজ্ঝতি সারথিৰিধং। অত্তনি নিপাতং ন দেতি, আজানীযো হি যুত্তং পজানাতি। অভূতেন অভূতক্কোসেন পরিমুত্তো নাম নত্থি বালানঞ্চ জনানং পরাপৰাদে যুত্তপযুত্তভাৰতো। তেনাহ ভগৰা –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘নিন্দন্তি তুণ্হিমাসীনং, নিন্দন্তি বহুভাণিনং।
‘‘Nindanti tuṇhimāsīnaṃ, nindanti bahubhāṇinaṃ;
মিতভাণিম্পি নিন্দন্তি, নত্থি লোকে অনিন্দিতো’’তি॥ (ধ॰ প॰ ২২৭)।
Mitabhāṇimpi nindanti, natthi loke anindito’’ti. (dha. pa. 227);
তনুযাতি ৰা কতিপযা। তেনাহ ‘‘অপ্পকা’’তি। সদা সতাতি হিরিনিসেধভাৰে কারণৰচনং। পপ্পুয্যাতি পত্ৰা অধিগন্ত্ৰা। ৰানতো নিক্খন্তত্তা নিব্বানং, অসঙ্খতধাতু।
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
হিরীসুত্তৰণ্ণনা নিট্ঠিতা।
Hirīsuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৮. হিরীসুত্তং • 8. Hirīsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৮. হিরীসুত্তৰণ্ণনা • 8. Hirīsuttavaṇṇanā
