| Library / Tipiṭaka / തിപിടക • Tipiṭaka / സുത്തനിപാതപാളി • Suttanipātapāḷi |
൩. ഹിരിസുത്തം
3. Hirisuttaṃ
൨൫൬.
256.
ഹിരിം തരന്തം വിജിഗുച്ഛമാനം, തവാഹമസ്മി 1 ഇതി ഭാസമാനം;
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
സയ്ഹാനി കമ്മാനി അനാദിയന്തം, നേസോ മമന്തി ഇതി നം വിജഞ്ഞാ.
Sayhāni kammāni anādiyantaṃ, neso mamanti iti naṃ vijaññā.
൨൫൭.
257.
അകരോന്തം ഭാസമാനം, പരിജാനന്തി പണ്ഡിതാ.
Akarontaṃ bhāsamānaṃ, parijānanti paṇḍitā.
൨൫൮.
258.
ന സോ മിത്തോ യോ സദാ അപ്പമത്തോ, ഭേദാസങ്കീ രന്ധമേവാനുപസ്സീ;
Na so mitto yo sadā appamatto, bhedāsaṅkī randhamevānupassī;
യസ്മിഞ്ച സേതി ഉരസീവ പുത്തോ, സ വേ മിത്തോ യോ പരേഹി അഭേജ്ജോ.
Yasmiñca seti urasīva putto, sa ve mitto yo parehi abhejjo.
൨൫൯.
259.
പാമുജ്ജകരണം ഠാനം, പസംസാവഹനം സുഖം;
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ഫലാനിസംസോ ഭാവേതി, വഹന്തോ പോരിസം ധുരം.
Phalānisaṃso bhāveti, vahanto porisaṃ dhuraṃ.
൨൬൦.
260.
പവിവേകരസം പിത്വാ, രസം ഉപസമസ്സ ച;
Pavivekarasaṃ pitvā, rasaṃ upasamassa ca;
നിദ്ദരോ ഹോതി നിപ്പാപോ, ധമ്മപീതിരസം പിവന്തി.
Niddaro hoti nippāpo, dhammapītirasaṃ pivanti.
ഹിരിസുത്തം തതിയം നിട്ഠിതം.
Hirisuttaṃ tatiyaṃ niṭṭhitaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / സുത്തനിപാത-അട്ഠകഥാ • Suttanipāta-aṭṭhakathā / ൩. ഹിരിസുത്തവണ്ണനാ • 3. Hirisuttavaṇṇanā
