| Library / Tipiṭaka / ཏིཔིཊཀ • Tipiṭaka / སུཏྟནིཔཱཏཔཱལི༹ • Suttanipātapāḷi |
༣. ཧིརིསུཏྟཾ
3. Hirisuttaṃ
༢༥༦.
256.
ཧིརིཾ ཏརནྟཾ ཝིཛིགུཙྪམཱནཾ, ཏཝཱཧམསྨི 1 ཨིཏི བྷཱསམཱནཾ།
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
སཡ྄ཧཱནི ཀམྨཱནི ཨནཱདིཡནྟཾ, ནེསོ མམནྟི ཨིཏི ནཾ ཝིཛཉྙཱ༎
Sayhāni kammāni anādiyantaṃ, neso mamanti iti naṃ vijaññā.
༢༥༧.
257.
ཨཀརོནྟཾ བྷཱསམཱནཾ, པརིཛཱནནྟི པཎྜིཏཱ༎
Akarontaṃ bhāsamānaṃ, parijānanti paṇḍitā.
༢༥༨.
258.
ན སོ མིཏྟོ ཡོ སདཱ ཨཔྤམཏྟོ, བྷེདཱསངྐཱི རནྡྷམེཝཱནུཔསྶཱི།
Na so mitto yo sadā appamatto, bhedāsaṅkī randhamevānupassī;
ཡསྨིཉྩ སེཏི ཨུརསཱིཝ པུཏྟོ, ས ཝེ མིཏྟོ ཡོ པརེཧི ཨབྷེཛྫོ༎
Yasmiñca seti urasīva putto, sa ve mitto yo parehi abhejjo.
༢༥༩.
259.
པཱམུཛྫཀརཎཾ ཋཱནཾ, པསཾསཱཝཧནཾ སུཁཾ།
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ཕལཱནིསཾསོ བྷཱཝེཏི, ཝཧནྟོ པོརིསཾ དྷུརཾ༎
Phalānisaṃso bhāveti, vahanto porisaṃ dhuraṃ.
༢༦༠.
260.
པཝིཝེཀརསཾ པིཏྭཱ, རསཾ ཨུཔསམསྶ ཙ།
Pavivekarasaṃ pitvā, rasaṃ upasamassa ca;
ནིདྡརོ ཧོཏི ནིཔྤཱཔོ, དྷམྨཔཱིཏིརསཾ པིཝནྟི༎
Niddaro hoti nippāpo, dhammapītirasaṃ pivanti.
ཧིརིསུཏྟཾ ཏཏིཡཾ ནིཊྛིཏཾ།
Hirisuttaṃ tatiyaṃ niṭṭhitaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / སུཏྟནིཔཱཏ-ཨཊྛཀཐཱ • Suttanipāta-aṭṭhakathā / ༣. ཧིརིསུཏྟཝཎྞནཱ • 3. Hirisuttavaṇṇanā
