| Library / Tipiṭaka / තිපිටක • Tipiṭaka / සුත්තනිපාතපාළි • Suttanipātapāḷi |
3. හිරිසුත්තං
3. Hirisuttaṃ
256.
256.
හිරිං තරන්තං විජිගුච්ඡමානං, තවාහමස්මි 1 ඉති භාසමානං;
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
සය්හානි කම්මානි අනාදියන්තං, නෙසො මමන්ති ඉති නං විජඤ්ඤා.
Sayhāni kammāni anādiyantaṃ, neso mamanti iti naṃ vijaññā.
257.
257.
අකරොන්තං භාසමානං, පරිජානන්ති පණ්ඩිතා.
Akarontaṃ bhāsamānaṃ, parijānanti paṇḍitā.
258.
258.
න සො මිත්තො යො සදා අප්පමත්තො, භෙදාසඞ්කී රන්ධමෙවානුපස්සී;
Na so mitto yo sadā appamatto, bhedāsaṅkī randhamevānupassī;
යස්මිඤ්ච සෙති උරසීව පුත්තො, ස වෙ මිත්තො යො පරෙහි අභෙජ්ජො.
Yasmiñca seti urasīva putto, sa ve mitto yo parehi abhejjo.
259.
259.
පාමුජ්ජකරණං ඨානං, පසංසාවහනං සුඛං;
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ඵලානිසංසො භාවෙති, වහන්තො පොරිසං ධුරං.
Phalānisaṃso bhāveti, vahanto porisaṃ dhuraṃ.
260.
260.
පවිවෙකරසං පිත්වා, රසං උපසමස්ස ච;
Pavivekarasaṃ pitvā, rasaṃ upasamassa ca;
නිද්දරො හොති නිප්පාපො, ධම්මපීතිරසං පිවන්ති.
Niddaro hoti nippāpo, dhammapītirasaṃ pivanti.
හිරිසුත්තං තතියං නිට්ඨිතං.
Hirisuttaṃ tatiyaṃ niṭṭhitaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / සුත්තනිපාත-අට්ඨකථා • Suttanipāta-aṭṭhakathā / 3. හිරිසුත්තවණ්ණනා • 3. Hirisuttavaṇṇanā
