| Library / Tipiṭaka / ติปิฎก • Tipiṭaka / สุตฺตนิปาตปาฬิ • Suttanipātapāḷi |
๓. หิริสุตฺตํ
3. Hirisuttaṃ
๒๕๖.
256.
หิริํ ตรนฺตํ วิชิคุจฺฉมานํ, ตวาหมสฺมิ 1 อิติ ภาสมานํ;
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
สยฺหานิ กมฺมานิ อนาทิยนฺตํ, เนโส มมนฺติ อิติ นํ วิชญฺญาฯ
Sayhāni kammāni anādiyantaṃ, neso mamanti iti naṃ vijaññā.
๒๕๗.
257.
อกโรนฺตํ ภาสมานํ, ปริชานนฺติ ปณฺฑิตาฯ
Akarontaṃ bhāsamānaṃ, parijānanti paṇḍitā.
๒๕๘.
258.
น โส มิโตฺต โย สทา อปฺปมโตฺต, เภทาสงฺกี รนฺธเมวานุปสฺสี;
Na so mitto yo sadā appamatto, bhedāsaṅkī randhamevānupassī;
ยสฺมิญฺจ เสติ อุรสีว ปุโตฺต, ส เว มิโตฺต โย ปเรหิ อเภโชฺชฯ
Yasmiñca seti urasīva putto, sa ve mitto yo parehi abhejjo.
๒๕๙.
259.
ปามุชฺชกรณํ ฐานํ, ปสํสาวหนํ สุขํ;
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ผลานิสํโส ภาเวติ, วหโนฺต โปริสํ ธุรํฯ
Phalānisaṃso bhāveti, vahanto porisaṃ dhuraṃ.
๒๖๐.
260.
ปวิเวกรสํ ปิตฺวา, รสํ อุปสมสฺส จ;
Pavivekarasaṃ pitvā, rasaṃ upasamassa ca;
นิทฺทโร โหติ นิปฺปาโป, ธมฺมปีติรสํ ปิวนฺติฯ
Niddaro hoti nippāpo, dhammapītirasaṃ pivanti.
หิริสุตฺตํ ตติยํ นิฎฺฐิตํฯ
Hirisuttaṃ tatiyaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / สุตฺตนิปาต-อฎฺฐกถา • Suttanipāta-aṭṭhakathā / ๓. หิริสุตฺตวณฺณนา • 3. Hirisuttavaṇṇanā
