| Library / Tipiṭaka / તિપિટક • Tipiṭaka / સુત્તનિપાતપાળિ • Suttanipātapāḷi |
૩. હિરિસુત્તં
3. Hirisuttaṃ
૨૫૬.
256.
હિરિં તરન્તં વિજિગુચ્છમાનં, તવાહમસ્મિ 1 ઇતિ ભાસમાનં;
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
સય્હાનિ કમ્માનિ અનાદિયન્તં, નેસો મમન્તિ ઇતિ નં વિજઞ્ઞા.
Sayhāni kammāni anādiyantaṃ, neso mamanti iti naṃ vijaññā.
૨૫૭.
257.
અકરોન્તં ભાસમાનં, પરિજાનન્તિ પણ્ડિતા.
Akarontaṃ bhāsamānaṃ, parijānanti paṇḍitā.
૨૫૮.
258.
ન સો મિત્તો યો સદા અપ્પમત્તો, ભેદાસઙ્કી રન્ધમેવાનુપસ્સી;
Na so mitto yo sadā appamatto, bhedāsaṅkī randhamevānupassī;
યસ્મિઞ્ચ સેતિ ઉરસીવ પુત્તો, સ વે મિત્તો યો પરેહિ અભેજ્જો.
Yasmiñca seti urasīva putto, sa ve mitto yo parehi abhejjo.
૨૫૯.
259.
પામુજ્જકરણં ઠાનં, પસંસાવહનં સુખં;
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ફલાનિસંસો ભાવેતિ, વહન્તો પોરિસં ધુરં.
Phalānisaṃso bhāveti, vahanto porisaṃ dhuraṃ.
૨૬૦.
260.
પવિવેકરસં પિત્વા, રસં ઉપસમસ્સ ચ;
Pavivekarasaṃ pitvā, rasaṃ upasamassa ca;
નિદ્દરો હોતિ નિપ્પાપો, ધમ્મપીતિરસં પિવન્તિ.
Niddaro hoti nippāpo, dhammapītirasaṃ pivanti.
હિરિસુત્તં તતિયં નિટ્ઠિતં.
Hirisuttaṃ tatiyaṃ niṭṭhitaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / સુત્તનિપાત-અટ્ઠકથા • Suttanipāta-aṭṭhakathā / ૩. હિરિસુત્તવણ્ણના • 3. Hirisuttavaṇṇanā
