| Library / Tipiṭaka / తిపిటక • Tipiṭaka / సుత్తనిపాతపాళి • Suttanipātapāḷi |
౩. హిరిసుత్తం
3. Hirisuttaṃ
౨౫౬.
256.
హిరిం తరన్తం విజిగుచ్ఛమానం, తవాహమస్మి 1 ఇతి భాసమానం;
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
సయ్హాని కమ్మాని అనాదియన్తం, నేసో మమన్తి ఇతి నం విజఞ్ఞా.
Sayhāni kammāni anādiyantaṃ, neso mamanti iti naṃ vijaññā.
౨౫౭.
257.
అకరోన్తం భాసమానం, పరిజానన్తి పణ్డితా.
Akarontaṃ bhāsamānaṃ, parijānanti paṇḍitā.
౨౫౮.
258.
న సో మిత్తో యో సదా అప్పమత్తో, భేదాసఙ్కీ రన్ధమేవానుపస్సీ;
Na so mitto yo sadā appamatto, bhedāsaṅkī randhamevānupassī;
యస్మిఞ్చ సేతి ఉరసీవ పుత్తో, స వే మిత్తో యో పరేహి అభేజ్జో.
Yasmiñca seti urasīva putto, sa ve mitto yo parehi abhejjo.
౨౫౯.
259.
పాముజ్జకరణం ఠానం, పసంసావహనం సుఖం;
Pāmujjakaraṇaṃ ṭhānaṃ, pasaṃsāvahanaṃ sukhaṃ;
ఫలానిసంసో భావేతి, వహన్తో పోరిసం ధురం.
Phalānisaṃso bhāveti, vahanto porisaṃ dhuraṃ.
౨౬౦.
260.
పవివేకరసం పిత్వా, రసం ఉపసమస్స చ;
Pavivekarasaṃ pitvā, rasaṃ upasamassa ca;
నిద్దరో హోతి నిప్పాపో, ధమ్మపీతిరసం పివన్తి.
Niddaro hoti nippāpo, dhammapītirasaṃ pivanti.
హిరిసుత్తం తతియం నిట్ఠితం.
Hirisuttaṃ tatiyaṃ niṭṭhitaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / సుత్తనిపాత-అట్ఠకథా • Suttanipāta-aṭṭhakathā / ౩. హిరిసుత్తవణ్ణనా • 3. Hirisuttavaṇṇanā
