| Library / Tipiṭaka / तिपिटक • Tipiṭaka / सुत्तनिपातपाळि • Suttanipātapāḷi |
३. हिरिसुत्तं
3. Hirisuttaṃ
२५६.
256.
हिरिं तरन्तं विजिगुच्छमानं, तवाहमस्मि 1 इति भासमानं।
Hiriṃ tarantaṃ vijigucchamānaṃ, tavāhamasmi 2 iti bhāsamānaṃ;
सय्हानि कम्मानि अनादियन्तं, नेसो ममन्ति इति नं विजञ्ञा॥
Sayhāni kammāni anādiyantaṃ, neso mamanti iti naṃ vijaññā.
२५७.
257.
अकरोन्तं भासमानं, परिजानन्ति पण्डिता॥
Akarontaṃ bhāsamānaṃ, parijānanti paṇḍitā.
२५८.
258.
न सो मित्तो यो सदा अप्पमत्तो, भेदासङ्की रन्धमेवानुपस्सी।
Na so mitto yo sadā appamatto, bhedāsaṅkī randhamevānupassī;
यस्मिञ्च सेति उरसीव पुत्तो, स वे मित्तो यो परेहि अभेज्जो॥
Yasmiñca seti urasīva putto, sa ve mitto yo parehi abhejjo.
२५९.
259.
पामुज्जकरणं ठानं, पसंसावहनं सुखं।
Pāmujjakaraṇaṃ ṭhānaṃ, pasaṃsāvahanaṃ sukhaṃ;
फलानिसंसो भावेति, वहन्तो पोरिसं धुरं॥
Phalānisaṃso bhāveti, vahanto porisaṃ dhuraṃ.
२६०.
260.
पविवेकरसं पित्वा, रसं उपसमस्स च।
Pavivekarasaṃ pitvā, rasaṃ upasamassa ca;
निद्दरो होति निप्पापो, धम्मपीतिरसं पिवन्ति॥
Niddaro hoti nippāpo, dhammapītirasaṃ pivanti.
हिरिसुत्तं ततियं निट्ठितं।
Hirisuttaṃ tatiyaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / सुत्तनिपात-अट्ठकथा • Suttanipāta-aṭṭhakathā / ३. हिरिसुत्तवण्णना • 3. Hirisuttavaṇṇanā
