| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
363. ஹிரிஜாதகங் (5-2-3)
363. Hirijātakaṃ (5-2-3)
70.
70.
ஹிரிங் தரந்தங் விஜிகு³ச்ச²மானங், தவாஹமஸ்மீ இதி பா⁴ஸமானங்;
Hiriṃ tarantaṃ vijigucchamānaṃ, tavāhamasmī iti bhāsamānaṃ;
ஸெய்யானி கம்மானி அனாதி³யந்தங், நேஸோ மமந்தி இதி நங் விஜஞ்ஞா.
Seyyāni kammāni anādiyantaṃ, neso mamanti iti naṃ vijaññā.
71.
71.
யஞ்ஹி கயிரா தஞ்ஹி வதே³, யங் ந கயிரா ந தங் வதே³;
Yañhi kayirā tañhi vade, yaṃ na kayirā na taṃ vade;
அகரொந்தங் பா⁴ஸமானங், பரிஜானந்தி பண்டி³தா.
Akarontaṃ bhāsamānaṃ, parijānanti paṇḍitā.
72.
72.
ந ஸோ மித்தோ யோ ஸதா³ அப்பமத்தோ, பே⁴தா³ஸங்கீ ரந்த⁴மேவானுபஸ்ஸீ;
Na so mitto yo sadā appamatto, bhedāsaṅkī randhamevānupassī;
யஸ்மிஞ்ச ஸேதீ உரஸீவ புத்தோ, ஸ வே மித்தோ யோ அபே⁴ஜ்ஜோ பரேஹி.
Yasmiñca setī urasīva putto, sa ve mitto yo abhejjo parehi.
73.
73.
பாமோஜ்ஜகரணங் டா²னங், பஸங்ஸாவஹனங் ஸுக²ங்;
Pāmojjakaraṇaṃ ṭhānaṃ, pasaṃsāvahanaṃ sukhaṃ;
ப²லானிஸங்ஸோ பா⁴வேதி, வஹந்தோ போரிஸங் து⁴ரங்.
Phalānisaṃso bhāveti, vahanto porisaṃ dhuraṃ.
74.
74.
பவிவேகரஸங் பித்வா, ரஸங் உபஸமஸ்ஸ ச;
Pavivekarasaṃ pitvā, rasaṃ upasamassa ca;
நித்³த³ரோ ஹோதி நிப்பாபோ, த⁴ம்மப்பீதிரஸங் பிவந்தி.
Niddaro hoti nippāpo, dhammappītirasaṃ pivanti.
ஹிரிஜாதகங் ததியங்.
Hirijātakaṃ tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [363] 3. ஹிரிஜாதகவண்ணனா • [363] 3. Hirijātakavaṇṇanā
