| Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi |
១៤. ហីនត្តិកំ
14. Hīnattikaṃ
១. បដិច្ចវារោ
1. Paṭiccavāro
១. បច្ចយានុលោមំ
1. Paccayānulomaṃ
១. វិភង្គវារោ
1. Vibhaṅgavāro
ហេតុបច្ចយោ
Hetupaccayo
១. ហីនំ ធម្មំ បដិច្ច ហីនោ ធម្មោ ឧប្បជ្ជតិ ហេតុបច្ចយា – ហីនំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ បដិច្ច ទ្វេ ខន្ធា។ (១)
1. Hīnaṃ dhammaṃ paṭicca hīno dhammo uppajjati hetupaccayā – hīnaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
ហីនំ ធម្មំ បដិច្ច មជ្ឈិមោ ធម្មោ ឧប្បជ្ជតិ ហេតុបច្ចយា – ហីនេ ខន្ធេ បដិច្ច ចិត្តសមុដ្ឋានំ រូបំ។ (២)
Hīnaṃ dhammaṃ paṭicca majjhimo dhammo uppajjati hetupaccayā – hīne khandhe paṭicca cittasamuṭṭhānaṃ rūpaṃ. (2)
ហីនំ ធម្មំ បដិច្ច ហីនោ ច មជ្ឈិមោ ច ធម្មា ឧប្បជ្ជន្តិ ហេតុបច្ចយា – ហីនំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)
Hīnaṃ dhammaṃ paṭicca hīno ca majjhimo ca dhammā uppajjanti hetupaccayā – hīnaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)
២. មជ្ឈិមំ ធម្មំ បដិច្ច មជ្ឈិមោ ធម្មោ ឧប្បជ្ជតិ ហេតុបច្ចយា – មជ្ឈិមំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ.… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ។ (១)
2. Majjhimaṃ dhammaṃ paṭicca majjhimo dhammo uppajjati hetupaccayā – majjhimaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
៣. បណីតំ ធម្មំ បដិច្ច បណីតោ ធម្មោ ឧប្បជ្ជតិ ហេតុបច្ចយា… តីណិ។
3. Paṇītaṃ dhammaṃ paṭicca paṇīto dhammo uppajjati hetupaccayā… tīṇi.
៤. មជ្ឈិមញ្ច បណីតញ្ច ធម្មំ បដិច្ច មជ្ឈិមោ ធម្មោ ឧប្បជ្ជតិ ហេតុបច្ចយា – បណីតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)
4. Majjhimañca paṇītañca dhammaṃ paṭicca majjhimo dhammo uppajjati hetupaccayā – paṇīte khandhe ca mahābhūte ca paṭicca cittasamuṭṭhānaṃ rūpaṃ. (1)
៥. ហីនញ្ច មជ្ឈិមញ្ច ធម្មំ បដិច្ច មជ្ឈិមោ ធម្មោ ឧប្បជ្ជតិ ហេតុបច្ចយា – ហីនេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)
5. Hīnañca majjhimañca dhammaṃ paṭicca majjhimo dhammo uppajjati hetupaccayā – hīne khandhe ca mahābhūte ca paṭicca cittasamuṭṭhānaṃ rūpaṃ. (1)
(ហីនត្តិកំ សំកិលិដ្ឋត្តិកសទិសំ វិត្ថារេតព្ពំ បរិបុណ្ណំ។)
(Hīnattikaṃ saṃkiliṭṭhattikasadisaṃ vitthāretabbaṃ paripuṇṇaṃ.)
ហីនត្តិកំ និដ្ឋិតំ។
Hīnattikaṃ niṭṭhitaṃ.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥-២២. សង្កិលិដ្ឋត្តិកាទិវណ្ណនា • 5-22. Saṅkiliṭṭhattikādivaṇṇanā
