| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪. ਹਿਮવਨ੍ਤਸੁਤ੍ਤવਣ੍ਣਨਾ
4. Himavantasuttavaṇṇanā
੨੪. ਚਤੁਤ੍ਥੇ ਸਮਾਪਤ੍ਤਿਕੁਸਲੋ ਹੋਤੀਤਿ ਸਮਾਪਜ੍ਜਨਕੁਸਲੋ ਹੋਤਿ। ਤੇਨਾਹ ‘‘ਸਮਾਪਜ੍ਜਿਤੁਂ ਕੁਸਲੋ’’ਤਿ। ਤਤ੍ਥ ਅਨ੍ਤੋਗਤਹੇਤੁਅਤ੍ਥੋ ਠਿਤਿ-ਸਦ੍ਦੋ, ਤਸ੍ਮਾ ਠਪਨਕੁਸਲੋਤਿ ਅਤ੍ਥੋਤਿ ਆਹ ‘‘ਸਮਾਧਿਂ ਠਪੇਤੁਂ ਸਕ੍ਕੋਤੀਤਿ ਅਤ੍ਥੋ’’ਤਿ। ਤਤ੍ਥ ਠਪੇਤੁਂ ਸਕ੍ਕੋਤੀਤਿ ਸਤ੍ਤਟ੍ਠਅਚ੍ਛਰਾਮਤ੍ਤਂ ਖਣਂ ਝਾਨਂ ਠਪੇਤੁਂ ਸਕ੍ਕੋਤਿ ਅਧਿਟ੍ਠਾਨવਸਿਭਾવਸ੍ਸ ਨਿਪ੍ਫਾਦਿਤਤ੍ਤਾ। ਯਥਾਪਰਿਚ੍ਛੇਦੇਨਾਤਿ ਯਥਾਪਰਿਚ੍ਛਿਨ੍ਨਕਾਲੇਨ। વੁਟ੍ਠਾਤੁਂ ਸਕ੍ਕੋਤਿ વੁਟ੍ਠਾਨવਸਿਭਾવਸ੍ਸ ਨਿਪ੍ਫਾਦਿਤਤ੍ਤਾ। ਕਲ੍ਲਂ ਸਞ੍ਜਾਤਂ ਅਸ੍ਸਾਤਿ ਕਲ੍ਲਿਤਂ, ਤਸ੍ਮਿਂ ਕਲ੍ਲਿਤੇ ਕਲ੍ਲਿਤਭਾવੇ ਕੁਸਲੋ ਕਲ੍ਲਿਤਕੁਸਲੋ। ਹਾਸੇਤੁਂ ਤੋਸੇਤੁਂ ਸਮ੍ਪਹਂਸੇਤੁਂ। ਕਲ੍ਲਂ ਕਾਤੁਨ੍ਤਿ ਸਮਾਧਾਨਸ੍ਸ ਪਟਿਪਕ੍ਖਧਮ੍ਮਾਨਂ ਦੂਰੀਕਰਣੇਨ ਸਹਕਾਰੀਕਾਰਣਾਨਞ੍ਚ ਸਮਪ੍ਪਧਾਨੇਨ ਸਮਾਪਜ੍ਜਨੇ ਚਿਤ੍ਤਂ ਸਮਤ੍ਥਂ ਕਾਤੁਂ। ਸਮਾਧਿਸ੍ਸ ਗੋਚਰਕੁਸਲੋਤਿ ਸਮਾਧਿਸ੍ਮਿਂ ਨਿਪ੍ਫਾਦੇਤਬ੍ਬੇ ਤਸ੍ਸ ਗੋਚਰੇ ਕਮ੍ਮਟ੍ਠਾਨਸਞ੍ਞਿਤੇ ਪવਤ੍ਤਿਟ੍ਠਾਨੇ ਭਿਕ੍ਖਾਚਾਰਗੋਚਰੇ ਸਤਿਸਮ੍ਪਜਞ੍ਞਯੋਗਤੋ ਕੁਸਲੋ ਛੇਕੋ। ਤੇਨਾਹ ‘‘ਸਮਾਧਿਸ੍ਸ ਅਸਪ੍ਪਾਯੇ ਅਨੁਪਕਾਰਕੇ ਧਮ੍ਮੇ વਜ੍ਜੇਤ੍વਾ’’ਤਿਆਦਿ। ਪਠਮਜ੍ਝਾਨਾਦਿਸਮਾਧਿਂ ਅਭਿਨੀਹਰਿਤੁਨ੍ਤਿ ਪਠਮਜ੍ਝਾਨਾਦਿਸਮਾਧਿਂ વਿਸੇਸਭਾਗਿਯਤਾਯ ਅਭਿਨੀਹਰਿਤੁਂ ਉਪਨੇਤੁਂ।
24. Catutthe samāpattikusalo hotīti samāpajjanakusalo hoti. Tenāha ‘‘samāpajjituṃ kusalo’’ti. Tattha antogatahetuattho ṭhiti-saddo, tasmā ṭhapanakusaloti atthoti āha ‘‘samādhiṃ ṭhapetuṃ sakkotīti attho’’ti. Tattha ṭhapetuṃ sakkotīti sattaṭṭhaaccharāmattaṃ khaṇaṃ jhānaṃ ṭhapetuṃ sakkoti adhiṭṭhānavasibhāvassa nipphāditattā. Yathāparicchedenāti yathāparicchinnakālena. Vuṭṭhātuṃ sakkoti vuṭṭhānavasibhāvassa nipphāditattā. Kallaṃ sañjātaṃ assāti kallitaṃ, tasmiṃ kallite kallitabhāve kusalo kallitakusalo. Hāsetuṃ tosetuṃ sampahaṃsetuṃ. Kallaṃ kātunti samādhānassa paṭipakkhadhammānaṃ dūrīkaraṇena sahakārīkāraṇānañca samappadhānena samāpajjane cittaṃ samatthaṃ kātuṃ. Samādhissa gocarakusaloti samādhismiṃ nipphādetabbe tassa gocare kammaṭṭhānasaññite pavattiṭṭhāne bhikkhācāragocare satisampajaññayogato kusalo cheko. Tenāha ‘‘samādhissa asappāye anupakārake dhamme vajjetvā’’tiādi. Paṭhamajjhānādisamādhiṃ abhinīharitunti paṭhamajjhānādisamādhiṃ visesabhāgiyatāya abhinīharituṃ upanetuṃ.
ਹਿਮવਨ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Himavantasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਹਿਮવਨ੍ਤਸੁਤ੍ਤਂ • 4. Himavantasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਹਿਮવਨ੍ਤਸੁਤ੍ਤવਣ੍ਣਨਾ • 4. Himavantasuttavaṇṇanā
