| Library / Tipiṭaka / തിപിടക • Tipiṭaka / സുത്തനിപാതപാളി • Suttanipātapāḷi |
൮. ഹേമകമാണവപുച്ഛാ
8. Hemakamāṇavapucchā
൧൦൯൦.
1090.
‘‘യേ മേ പുബ്ബേ വിയാകംസു, (ഇച്ചായസ്മാ ഹേമകോ)
‘‘Ye me pubbe viyākaṃsu, (iccāyasmā hemako)
ഹുരം ഗോതമസാസനാ;
Huraṃ gotamasāsanā;
ഇച്ചാസി ഇതി ഭവിസ്സതി, സബ്ബം തം ഇതിഹീതിഹം;
Iccāsi iti bhavissati, sabbaṃ taṃ itihītihaṃ;
സബ്ബം തം തക്കവഡ്ഢനം, നാഹം തത്ഥ അഭിരമിം.
Sabbaṃ taṃ takkavaḍḍhanaṃ, nāhaṃ tattha abhiramiṃ.
൧൦൯൧.
1091.
‘‘ത്വഞ്ച മേ ധമ്മമക്ഖാഹി, തണ്ഹാനിഗ്ഘാതനം മുനി;
‘‘Tvañca me dhammamakkhāhi, taṇhānigghātanaṃ muni;
യം വിദിത്വാ സതോ ചരം, തരേ ലോകേ വിസത്തികം’’.
Yaṃ viditvā sato caraṃ, tare loke visattikaṃ’’.
൧൦൯൨.
1092.
‘‘ഇധ ദിട്ഠസുതമുതവിഞ്ഞാതേസു, പിയരൂപേസു ഹേമക;
‘‘Idha diṭṭhasutamutaviññātesu, piyarūpesu hemaka;
ഛന്ദരാഗവിനോദനം, നിബ്ബാനപദമച്ചുതം.
Chandarāgavinodanaṃ, nibbānapadamaccutaṃ.
൧൦൯൩.
1093.
‘‘ഏതദഞ്ഞായ യേ സതാ, ദിട്ഠധമ്മാഭിനിബ്ബുതാ;
‘‘Etadaññāya ye satā, diṭṭhadhammābhinibbutā;
ഉപസന്താ ച തേ സദാ, തിണ്ണാ ലോകേ വിസത്തിക’’ന്തി.
Upasantā ca te sadā, tiṇṇā loke visattika’’nti.
ഹേമകമാണവപുച്ഛാ അട്ഠമാ നിട്ഠിതാ.
Hemakamāṇavapucchā aṭṭhamā niṭṭhitā.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / സുത്തനിപാത-അട്ഠകഥാ • Suttanipāta-aṭṭhakathā / ൮. ഹേമകസുത്തവണ്ണനാ • 8. Hemakasuttavaṇṇanā
