| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੮. ਹੇਮਕਮਾਣવਪੁਚ੍ਛਾ
8. Hemakamāṇavapucchā
੧੦੯੦.
1090.
‘‘ਯੇ ਮੇ ਪੁਬ੍ਬੇ વਿਯਾਕਂਸੁ, (ਇਚ੍ਚਾਯਸ੍ਮਾ ਹੇਮਕੋ)
‘‘Ye me pubbe viyākaṃsu, (iccāyasmā hemako)
ਹੁਰਂ ਗੋਤਮਸਾਸਨਾ।
Huraṃ gotamasāsanā;
ਇਚ੍ਚਾਸਿ ਇਤਿ ਭવਿਸ੍ਸਤਿ, ਸਬ੍ਬਂ ਤਂ ਇਤਿਹੀਤਿਹਂ।
Iccāsi iti bhavissati, sabbaṃ taṃ itihītihaṃ;
ਸਬ੍ਬਂ ਤਂ ਤਕ੍ਕવਡ੍ਢਨਂ, ਨਾਹਂ ਤਤ੍ਥ ਅਭਿਰਮਿਂ॥
Sabbaṃ taṃ takkavaḍḍhanaṃ, nāhaṃ tattha abhiramiṃ.
੧੦੯੧.
1091.
‘‘ਤ੍વਞ੍ਚ ਮੇ ਧਮ੍ਮਮਕ੍ਖਾਹਿ, ਤਣ੍ਹਾਨਿਗ੍ਘਾਤਨਂ ਮੁਨਿ।
‘‘Tvañca me dhammamakkhāhi, taṇhānigghātanaṃ muni;
ਯਂ વਿਦਿਤ੍વਾ ਸਤੋ ਚਰਂ, ਤਰੇ ਲੋਕੇ વਿਸਤ੍ਤਿਕਂ’’॥
Yaṃ viditvā sato caraṃ, tare loke visattikaṃ’’.
੧੦੯੨.
1092.
‘‘ਇਧ ਦਿਟ੍ਠਸੁਤਮੁਤવਿਞ੍ਞਾਤੇਸੁ, ਪਿਯਰੂਪੇਸੁ ਹੇਮਕ।
‘‘Idha diṭṭhasutamutaviññātesu, piyarūpesu hemaka;
ਛਨ੍ਦਰਾਗવਿਨੋਦਨਂ, ਨਿਬ੍ਬਾਨਪਦਮਚ੍ਚੁਤਂ॥
Chandarāgavinodanaṃ, nibbānapadamaccutaṃ.
੧੦੯੩.
1093.
‘‘ਏਤਦਞ੍ਞਾਯ ਯੇ ਸਤਾ, ਦਿਟ੍ਠਧਮ੍ਮਾਭਿਨਿਬ੍ਬੁਤਾ।
‘‘Etadaññāya ye satā, diṭṭhadhammābhinibbutā;
ਉਪਸਨ੍ਤਾ ਚ ਤੇ ਸਦਾ, ਤਿਣ੍ਣਾ ਲੋਕੇ વਿਸਤ੍ਤਿਕ’’ਨ੍ਤਿ॥
Upasantā ca te sadā, tiṇṇā loke visattika’’nti.
ਹੇਮਕਮਾਣવਪੁਚ੍ਛਾ ਅਟ੍ਠਮਾ ਨਿਟ੍ਠਿਤਾ।
Hemakamāṇavapucchā aṭṭhamā niṭṭhitā.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੮. ਹੇਮਕਸੁਤ੍ਤવਣ੍ਣਨਾ • 8. Hemakasuttavaṇṇanā
