| Library / Tipiṭaka / ཏིཔིཊཀ • Tipiṭaka / ཙཱུལ༹ནིདྡེསཔཱལི༹ • Cūḷaniddesapāḷi |
༨. ཧེམཀམཱཎཝཔུཙྪཱ
8. Hemakamāṇavapucchā
༡༠༩.
109.
‘‘ཡེ མེ པུབྦེ ཝིཡཱཀཾསུ, [ཨིཙྩཱཡསྨཱ ཧེམཀོ]
‘‘Ye me pubbe viyākaṃsu, [iccāyasmā hemako]
ཧུརཾ གོཏམསཱསནཱ།
Huraṃ gotamasāsanā;
ཨིཙྩཱསི ཨིཏི བྷཝིསྶཏི, སབྦཾ ཏཾ ཨིཏིཧཱིཏིཧཾ།
Iccāsi iti bhavissati, sabbaṃ taṃ itihītihaṃ;
སབྦཾ ཏཾ ཏཀྐཝཌྜྷནཾ, ནཱཧཾ ཏཏྠ ཨབྷིརམིཾ༎
Sabbaṃ taṃ takkavaḍḍhanaṃ, nāhaṃ tattha abhiramiṃ.
༡༡༠.
110.
‘‘ཏྭཉྩ མེ དྷམྨམཀྑཱཧི, ཏཎྷཱནིགྒྷཱཏནཾ མུནི།
‘‘Tvañca me dhammamakkhāhi, taṇhānigghātanaṃ muni;
ཡཾ ཝིདིཏྭཱ སཏོ ཙརཾ, ཏརེ ལོཀེ ཝིསཏྟིཀཾ’’༎
Yaṃ viditvā sato caraṃ, tare loke visattikaṃ’’.
༡༡༡.
111.
‘‘ཨིདྷ དིཊྛསུཏམུཏཝིཉྙཱཏེསུ, པིཡརཱུཔེསུ ཧེམཀ།
‘‘Idha diṭṭhasutamutaviññātesu, piyarūpesu hemaka;
ཚནྡརཱགཝིནོདནཾ, ནིབྦཱནཔདམཙྩུཏཾ༎
Chandarāgavinodanaṃ, nibbānapadamaccutaṃ.
༡༡༢.
112.
‘‘ཨེཏདཉྙཱཡ ཡེ སཏཱ, དིཊྛདྷམྨཱབྷིནིབྦུཏཱ།
‘‘Etadaññāya ye satā, diṭṭhadhammābhinibbutā;
ཨུཔསནྟཱ ཙ ཏེ སདཱ, ཏིཎྞཱ ལོཀེ ཝིསཏྟིཀ’’ནྟི༎
Upasantā ca te sadā, tiṇṇā loke visattika’’nti.
ཧེམཀམཱཎཝཔུཙྪཱ ཨཊྛམཱ།
Hemakamāṇavapucchā aṭṭhamā.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཙཱུལ༹ནིདྡེས-ཨཊྛཀཐཱ • Cūḷaniddesa-aṭṭhakathā / ༨. ཧེམཀམཱཎཝསུཏྟནིདྡེསཝཎྞནཱ • 8. Hemakamāṇavasuttaniddesavaṇṇanā
