| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೮. ಹೇಮಕಮಾಣವಪುಚ್ಛಾ
8. Hemakamāṇavapucchā
೧೦೯೦.
1090.
‘‘ಯೇ ಮೇ ಪುಬ್ಬೇ ವಿಯಾಕಂಸು, (ಇಚ್ಚಾಯಸ್ಮಾ ಹೇಮಕೋ)
‘‘Ye me pubbe viyākaṃsu, (iccāyasmā hemako)
ಹುರಂ ಗೋತಮಸಾಸನಾ।
Huraṃ gotamasāsanā;
ಇಚ್ಚಾಸಿ ಇತಿ ಭವಿಸ್ಸತಿ, ಸಬ್ಬಂ ತಂ ಇತಿಹೀತಿಹಂ।
Iccāsi iti bhavissati, sabbaṃ taṃ itihītihaṃ;
ಸಬ್ಬಂ ತಂ ತಕ್ಕವಡ್ಢನಂ, ನಾಹಂ ತತ್ಥ ಅಭಿರಮಿಂ॥
Sabbaṃ taṃ takkavaḍḍhanaṃ, nāhaṃ tattha abhiramiṃ.
೧೦೯೧.
1091.
‘‘ತ್ವಞ್ಚ ಮೇ ಧಮ್ಮಮಕ್ಖಾಹಿ, ತಣ್ಹಾನಿಗ್ಘಾತನಂ ಮುನಿ।
‘‘Tvañca me dhammamakkhāhi, taṇhānigghātanaṃ muni;
ಯಂ ವಿದಿತ್ವಾ ಸತೋ ಚರಂ, ತರೇ ಲೋಕೇ ವಿಸತ್ತಿಕಂ’’॥
Yaṃ viditvā sato caraṃ, tare loke visattikaṃ’’.
೧೦೯೨.
1092.
‘‘ಇಧ ದಿಟ್ಠಸುತಮುತವಿಞ್ಞಾತೇಸು, ಪಿಯರೂಪೇಸು ಹೇಮಕ।
‘‘Idha diṭṭhasutamutaviññātesu, piyarūpesu hemaka;
ಛನ್ದರಾಗವಿನೋದನಂ, ನಿಬ್ಬಾನಪದಮಚ್ಚುತಂ॥
Chandarāgavinodanaṃ, nibbānapadamaccutaṃ.
೧೦೯೩.
1093.
‘‘ಏತದಞ್ಞಾಯ ಯೇ ಸತಾ, ದಿಟ್ಠಧಮ್ಮಾಭಿನಿಬ್ಬುತಾ।
‘‘Etadaññāya ye satā, diṭṭhadhammābhinibbutā;
ಉಪಸನ್ತಾ ಚ ತೇ ಸದಾ, ತಿಣ್ಣಾ ಲೋಕೇ ವಿಸತ್ತಿಕ’’ನ್ತಿ॥
Upasantā ca te sadā, tiṇṇā loke visattika’’nti.
ಹೇಮಕಮಾಣವಪುಚ್ಛಾ ಅಟ್ಠಮಾ ನಿಟ್ಠಿತಾ।
Hemakamāṇavapucchā aṭṭhamā niṭṭhitā.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೮. ಹೇಮಕಸುತ್ತವಣ್ಣನಾ • 8. Hemakasuttavaṇṇanā
