| Library / Tipiṭaka / તિપિટક • Tipiṭaka / સુત્તનિપાતપાળિ • Suttanipātapāḷi |
૮. હેમકમાણવપુચ્છા
8. Hemakamāṇavapucchā
૧૦૯૦.
1090.
‘‘યે મે પુબ્બે વિયાકંસુ, (ઇચ્ચાયસ્મા હેમકો)
‘‘Ye me pubbe viyākaṃsu, (iccāyasmā hemako)
હુરં ગોતમસાસના;
Huraṃ gotamasāsanā;
ઇચ્ચાસિ ઇતિ ભવિસ્સતિ, સબ્બં તં ઇતિહીતિહં;
Iccāsi iti bhavissati, sabbaṃ taṃ itihītihaṃ;
સબ્બં તં તક્કવડ્ઢનં, નાહં તત્થ અભિરમિં.
Sabbaṃ taṃ takkavaḍḍhanaṃ, nāhaṃ tattha abhiramiṃ.
૧૦૯૧.
1091.
‘‘ત્વઞ્ચ મે ધમ્મમક્ખાહિ, તણ્હાનિગ્ઘાતનં મુનિ;
‘‘Tvañca me dhammamakkhāhi, taṇhānigghātanaṃ muni;
યં વિદિત્વા સતો ચરં, તરે લોકે વિસત્તિકં’’.
Yaṃ viditvā sato caraṃ, tare loke visattikaṃ’’.
૧૦૯૨.
1092.
‘‘ઇધ દિટ્ઠસુતમુતવિઞ્ઞાતેસુ, પિયરૂપેસુ હેમક;
‘‘Idha diṭṭhasutamutaviññātesu, piyarūpesu hemaka;
છન્દરાગવિનોદનં, નિબ્બાનપદમચ્ચુતં.
Chandarāgavinodanaṃ, nibbānapadamaccutaṃ.
૧૦૯૩.
1093.
‘‘એતદઞ્ઞાય યે સતા, દિટ્ઠધમ્માભિનિબ્બુતા;
‘‘Etadaññāya ye satā, diṭṭhadhammābhinibbutā;
ઉપસન્તા ચ તે સદા, તિણ્ણા લોકે વિસત્તિક’’ન્તિ.
Upasantā ca te sadā, tiṇṇā loke visattika’’nti.
હેમકમાણવપુચ્છા અટ્ઠમા નિટ્ઠિતા.
Hemakamāṇavapucchā aṭṭhamā niṭṭhitā.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / સુત્તનિપાત-અટ્ઠકથા • Suttanipāta-aṭṭhakathā / ૮. હેમકસુત્તવણ્ણના • 8. Hemakasuttavaṇṇanā
