| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൨. ഹത്ഥിരാജവണ്ണസുത്തവണ്ണനാ
2. Hatthirājavaṇṇasuttavaṇṇanā
൧൩൮. അന്ധഭാവകാരകേതി പചുരജനസ്സ ചക്ഖുവിഞ്ഞാണുപ്പത്തിനിവാരണേന അന്ധഭാവകാരകേ. മഹാതമേതി മഹതി തമസി. പാസാണഫലകേ മഹാചീവരം സീസേ ഠപേത്വാതി ഏതേന തം ഫലകം അപസ്സായ നിസിന്നോതി ദസ്സേതി . പധാനന്തി ഭാവനം. പരിഗ്ഗണ്ഹമാനോതി സബ്ബസോ ഗണ്ഹന്തോ അവിസ്സജ്ജേന്തോ, ഭാവനം അനുയുഞ്ജന്തോ അനുപുബ്ബസമാപത്തിയോ ഫലസമാപത്തിഞ്ച മനസികരോന്തോതി അത്ഥോ. തേനാഹ ‘‘നനു ചാ’’തിആദി. അരിട്ഠകോതി അരിട്ഠകവണ്ണോ. തേനാഹ ‘‘കാളകോ’’തി.
138.Andhabhāvakāraketi pacurajanassa cakkhuviññāṇuppattinivāraṇena andhabhāvakārake. Mahātameti mahati tamasi. Pāsāṇaphalake mahācīvaraṃ sīse ṭhapetvāti etena taṃ phalakaṃ apassāya nisinnoti dasseti . Padhānanti bhāvanaṃ. Pariggaṇhamānoti sabbaso gaṇhanto avissajjento, bhāvanaṃ anuyuñjanto anupubbasamāpattiyo phalasamāpattiñca manasikarontoti attho. Tenāha ‘‘nanu cā’’tiādi. Ariṭṭhakoti ariṭṭhakavaṇṇo. Tenāha ‘‘kāḷako’’ti.
ദീഘമദ്ധാനന്തി ചിരതരം കാലം. സംസരന്തി ആസാദനാധിപ്പായേന സഞ്ചരന്തോ, അലം തുയ്ഹം ഏതേന നിപ്പയോജനന്തി അധിപ്പായോ. ന ഹി തേന മാരസ്സ കാചി അത്ഥസിദ്ധീതി.
Dīghamaddhānanti cirataraṃ kālaṃ. Saṃsaranti āsādanādhippāyena sañcaranto, alaṃ tuyhaṃ etena nippayojananti adhippāyo. Na hi tena mārassa kāci atthasiddhīti.
ഹത്ഥിരാജവണ്ണസുത്തവണ്ണനാ നിട്ഠിതാ.
Hatthirājavaṇṇasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൨. ഹത്ഥിരാജവണ്ണസുത്തം • 2. Hatthirājavaṇṇasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൨. ഹത്ഥിരാജവണ്ണസുത്തവണ്ണനാ • 2. Hatthirājavaṇṇasuttavaṇṇanā
