| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. ཧཏྠིརཱཛཝཎྞསུཏྟཝཎྞནཱ
2. Hatthirājavaṇṇasuttavaṇṇanā
༡༣༨. ཨནྡྷབྷཱཝཀཱརཀེཏི པཙུརཛནསྶ ཙཀྑུཝིཉྙཱཎུཔྤཏྟིནིཝཱརཎེན ཨནྡྷབྷཱཝཀཱརཀེ། མཧཱཏམེཏི མཧཏི ཏམསི། པཱསཱཎཕལཀེ མཧཱཙཱིཝརཾ སཱིསེ ཋཔེཏྭཱཏི ཨེཏེན ཏཾ ཕལཀཾ ཨཔསྶཱཡ ནིསིནྣོཏི དསྶེཏི ། པདྷཱནནྟི བྷཱཝནཾ། པརིགྒཎྷམཱནོཏི སབྦསོ གཎྷནྟོ ཨཝིསྶཛྫེནྟོ, བྷཱཝནཾ ཨནུཡུཉྫནྟོ ཨནུཔུབྦསམཱཔཏྟིཡོ ཕལསམཱཔཏྟིཉྩ མནསིཀརོནྟོཏི ཨཏྠོ། ཏེནཱཧ ‘‘ནནུ ཙཱ’’ཏིཨཱདི། ཨརིཊྛཀོཏི ཨརིཊྛཀཝཎྞོ། ཏེནཱཧ ‘‘ཀཱལ༹ཀོ’’ཏི།
138.Andhabhāvakāraketi pacurajanassa cakkhuviññāṇuppattinivāraṇena andhabhāvakārake. Mahātameti mahati tamasi. Pāsāṇaphalake mahācīvaraṃ sīse ṭhapetvāti etena taṃ phalakaṃ apassāya nisinnoti dasseti . Padhānanti bhāvanaṃ. Pariggaṇhamānoti sabbaso gaṇhanto avissajjento, bhāvanaṃ anuyuñjanto anupubbasamāpattiyo phalasamāpattiñca manasikarontoti attho. Tenāha ‘‘nanu cā’’tiādi. Ariṭṭhakoti ariṭṭhakavaṇṇo. Tenāha ‘‘kāḷako’’ti.
དཱིགྷམདྡྷཱནནྟི ཙིརཏརཾ ཀཱལཾ། སཾསརནྟི ཨཱསཱདནཱདྷིཔྤཱཡེན སཉྩརནྟོ, ཨལཾ ཏུཡ྄ཧཾ ཨེཏེན ནིཔྤཡོཛནནྟི ཨདྷིཔྤཱཡོ། ན ཧི ཏེན མཱརསྶ ཀཱཙི ཨཏྠསིདྡྷཱིཏི།
Dīghamaddhānanti cirataraṃ kālaṃ. Saṃsaranti āsādanādhippāyena sañcaranto, alaṃ tuyhaṃ etena nippayojananti adhippāyo. Na hi tena mārassa kāci atthasiddhīti.
ཧཏྠིརཱཛཝཎྞསུཏྟཝཎྞནཱ ནིཊྛིཏཱ།
Hatthirājavaṇṇasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. ཧཏྠིརཱཛཝཎྞསུཏྟཾ • 2. Hatthirājavaṇṇasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. ཧཏྠིརཱཛཝཎྞསུཏྟཝཎྞནཱ • 2. Hatthirājavaṇṇasuttavaṇṇanā
