| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೨. ಹತ್ಥಿರಾಜವಣ್ಣಸುತ್ತವಣ್ಣನಾ
2. Hatthirājavaṇṇasuttavaṇṇanā
೧೩೮. ಅನ್ಧಭಾವಕಾರಕೇತಿ ಪಚುರಜನಸ್ಸ ಚಕ್ಖುವಿಞ್ಞಾಣುಪ್ಪತ್ತಿನಿವಾರಣೇನ ಅನ್ಧಭಾವಕಾರಕೇ। ಮಹಾತಮೇತಿ ಮಹತಿ ತಮಸಿ। ಪಾಸಾಣಫಲಕೇ ಮಹಾಚೀವರಂ ಸೀಸೇ ಠಪೇತ್ವಾತಿ ಏತೇನ ತಂ ಫಲಕಂ ಅಪಸ್ಸಾಯ ನಿಸಿನ್ನೋತಿ ದಸ್ಸೇತಿ । ಪಧಾನನ್ತಿ ಭಾವನಂ। ಪರಿಗ್ಗಣ್ಹಮಾನೋತಿ ಸಬ್ಬಸೋ ಗಣ್ಹನ್ತೋ ಅವಿಸ್ಸಜ್ಜೇನ್ತೋ, ಭಾವನಂ ಅನುಯುಞ್ಜನ್ತೋ ಅನುಪುಬ್ಬಸಮಾಪತ್ತಿಯೋ ಫಲಸಮಾಪತ್ತಿಞ್ಚ ಮನಸಿಕರೋನ್ತೋತಿ ಅತ್ಥೋ। ತೇನಾಹ ‘‘ನನು ಚಾ’’ತಿಆದಿ। ಅರಿಟ್ಠಕೋತಿ ಅರಿಟ್ಠಕವಣ್ಣೋ। ತೇನಾಹ ‘‘ಕಾಳಕೋ’’ತಿ।
138.Andhabhāvakāraketi pacurajanassa cakkhuviññāṇuppattinivāraṇena andhabhāvakārake. Mahātameti mahati tamasi. Pāsāṇaphalake mahācīvaraṃ sīse ṭhapetvāti etena taṃ phalakaṃ apassāya nisinnoti dasseti . Padhānanti bhāvanaṃ. Pariggaṇhamānoti sabbaso gaṇhanto avissajjento, bhāvanaṃ anuyuñjanto anupubbasamāpattiyo phalasamāpattiñca manasikarontoti attho. Tenāha ‘‘nanu cā’’tiādi. Ariṭṭhakoti ariṭṭhakavaṇṇo. Tenāha ‘‘kāḷako’’ti.
ದೀಘಮದ್ಧಾನನ್ತಿ ಚಿರತರಂ ಕಾಲಂ। ಸಂಸರನ್ತಿ ಆಸಾದನಾಧಿಪ್ಪಾಯೇನ ಸಞ್ಚರನ್ತೋ, ಅಲಂ ತುಯ್ಹಂ ಏತೇನ ನಿಪ್ಪಯೋಜನನ್ತಿ ಅಧಿಪ್ಪಾಯೋ। ನ ಹಿ ತೇನ ಮಾರಸ್ಸ ಕಾಚಿ ಅತ್ಥಸಿದ್ಧೀತಿ।
Dīghamaddhānanti cirataraṃ kālaṃ. Saṃsaranti āsādanādhippāyena sañcaranto, alaṃ tuyhaṃ etena nippayojananti adhippāyo. Na hi tena mārassa kāci atthasiddhīti.
ಹತ್ಥಿರಾಜವಣ್ಣಸುತ್ತವಣ್ಣನಾ ನಿಟ್ಠಿತಾ।
Hatthirājavaṇṇasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೨. ಹತ್ಥಿರಾಜವಣ್ಣಸುತ್ತಂ • 2. Hatthirājavaṇṇasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೨. ಹತ್ಥಿರಾಜವಣ್ಣಸುತ್ತವಣ್ಣನಾ • 2. Hatthirājavaṇṇasuttavaṇṇanā
