| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
២. ហត្ថិរាជវណ្ណសុត្តវណ្ណនា
2. Hatthirājavaṇṇasuttavaṇṇanā
១៣៨. អន្ធភាវការកេតិ បចុរជនស្ស ចក្ខុវិញ្ញាណុប្បត្តិនិវារណេន អន្ធភាវការកេ។ មហាតមេតិ មហតិ តមសិ។ បាសាណផលកេ មហាចីវរំ សីសេ ឋបេត្វាតិ ឯតេន តំ ផលកំ អបស្សាយ និសិន្នោតិ ទស្សេតិ ។ បធានន្តិ ភាវនំ។ បរិគ្គណ្ហមានោតិ សព្ពសោ គណ្ហន្តោ អវិស្សជ្ជេន្តោ, ភាវនំ អនុយុញ្ជន្តោ អនុបុព្ពសមាបត្តិយោ ផលសមាបត្តិញ្ច មនសិករោន្តោតិ អត្ថោ។ តេនាហ ‘‘ននុ ចា’’តិអាទិ។ អរិដ្ឋកោតិ អរិដ្ឋកវណ្ណោ។ តេនាហ ‘‘កាឡកោ’’តិ។
138.Andhabhāvakāraketi pacurajanassa cakkhuviññāṇuppattinivāraṇena andhabhāvakārake. Mahātameti mahati tamasi. Pāsāṇaphalake mahācīvaraṃ sīse ṭhapetvāti etena taṃ phalakaṃ apassāya nisinnoti dasseti . Padhānanti bhāvanaṃ. Pariggaṇhamānoti sabbaso gaṇhanto avissajjento, bhāvanaṃ anuyuñjanto anupubbasamāpattiyo phalasamāpattiñca manasikarontoti attho. Tenāha ‘‘nanu cā’’tiādi. Ariṭṭhakoti ariṭṭhakavaṇṇo. Tenāha ‘‘kāḷako’’ti.
ទីឃមទ្ធានន្តិ ចិរតរំ កាលំ។ សំសរន្តិ អាសាទនាធិប្បាយេន សញ្ចរន្តោ, អលំ តុយ្ហំ ឯតេន និប្បយោជនន្តិ អធិប្បាយោ។ ន ហិ តេន មារស្ស កាចិ អត្ថសិទ្ធីតិ។
Dīghamaddhānanti cirataraṃ kālaṃ. Saṃsaranti āsādanādhippāyena sañcaranto, alaṃ tuyhaṃ etena nippayojananti adhippāyo. Na hi tena mārassa kāci atthasiddhīti.
ហត្ថិរាជវណ្ណសុត្តវណ្ណនា និដ្ឋិតា។
Hatthirājavaṇṇasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. ហត្ថិរាជវណ្ណសុត្តំ • 2. Hatthirājavaṇṇasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. ហត្ថិរាជវណ្ណសុត្តវណ្ណនា • 2. Hatthirājavaṇṇasuttavaṇṇanā
