| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
२. हत्थिराजवण्णसुत्तवण्णना
2. Hatthirājavaṇṇasuttavaṇṇanā
१३८. अन्धभावकारकेति पचुरजनस्स चक्खुविञ्ञाणुप्पत्तिनिवारणेन अन्धभावकारके। महातमेति महति तमसि। पासाणफलके महाचीवरं सीसे ठपेत्वाति एतेन तं फलकं अपस्साय निसिन्नोति दस्सेति । पधानन्ति भावनं। परिग्गण्हमानोति सब्बसो गण्हन्तो अविस्सज्जेन्तो, भावनं अनुयुञ्जन्तो अनुपुब्बसमापत्तियो फलसमापत्तिञ्च मनसिकरोन्तोति अत्थो। तेनाह ‘‘ननु चा’’तिआदि। अरिट्ठकोति अरिट्ठकवण्णो। तेनाह ‘‘काळको’’ति।
138.Andhabhāvakāraketi pacurajanassa cakkhuviññāṇuppattinivāraṇena andhabhāvakārake. Mahātameti mahati tamasi. Pāsāṇaphalake mahācīvaraṃ sīse ṭhapetvāti etena taṃ phalakaṃ apassāya nisinnoti dasseti . Padhānanti bhāvanaṃ. Pariggaṇhamānoti sabbaso gaṇhanto avissajjento, bhāvanaṃ anuyuñjanto anupubbasamāpattiyo phalasamāpattiñca manasikarontoti attho. Tenāha ‘‘nanu cā’’tiādi. Ariṭṭhakoti ariṭṭhakavaṇṇo. Tenāha ‘‘kāḷako’’ti.
दीघमद्धानन्ति चिरतरं कालं। संसरन्ति आसादनाधिप्पायेन सञ्चरन्तो, अलं तुय्हं एतेन निप्पयोजनन्ति अधिप्पायो। न हि तेन मारस्स काचि अत्थसिद्धीति।
Dīghamaddhānanti cirataraṃ kālaṃ. Saṃsaranti āsādanādhippāyena sañcaranto, alaṃ tuyhaṃ etena nippayojananti adhippāyo. Na hi tena mārassa kāci atthasiddhīti.
हत्थिराजवण्णसुत्तवण्णना निट्ठिता।
Hatthirājavaṇṇasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / २. हत्थिराजवण्णसुत्तं • 2. Hatthirājavaṇṇasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / २. हत्थिराजवण्णसुत्तवण्णना • 2. Hatthirājavaṇṇasuttavaṇṇanā
