| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২. হত্থিরাজৰণ্ণসুত্তৰণ্ণনা
2. Hatthirājavaṇṇasuttavaṇṇanā
১৩৮. অন্ধভাৰকারকেতি পচুরজনস্স চক্খুৰিঞ্ঞাণুপ্পত্তিনিৰারণেন অন্ধভাৰকারকে। মহাতমেতি মহতি তমসি। পাসাণফলকে মহাচীৰরং সীসে ঠপেত্ৰাতি এতেন তং ফলকং অপস্সায নিসিন্নোতি দস্সেতি । পধানন্তি ভাৰনং। পরিগ্গণ্হমানোতি সব্বসো গণ্হন্তো অৰিস্সজ্জেন্তো, ভাৰনং অনুযুঞ্জন্তো অনুপুব্বসমাপত্তিযো ফলসমাপত্তিঞ্চ মনসিকরোন্তোতি অত্থো। তেনাহ ‘‘ননু চা’’তিআদি। অরিট্ঠকোতি অরিট্ঠকৰণ্ণো। তেনাহ ‘‘কাল়কো’’তি।
138.Andhabhāvakāraketi pacurajanassa cakkhuviññāṇuppattinivāraṇena andhabhāvakārake. Mahātameti mahati tamasi. Pāsāṇaphalake mahācīvaraṃ sīse ṭhapetvāti etena taṃ phalakaṃ apassāya nisinnoti dasseti . Padhānanti bhāvanaṃ. Pariggaṇhamānoti sabbaso gaṇhanto avissajjento, bhāvanaṃ anuyuñjanto anupubbasamāpattiyo phalasamāpattiñca manasikarontoti attho. Tenāha ‘‘nanu cā’’tiādi. Ariṭṭhakoti ariṭṭhakavaṇṇo. Tenāha ‘‘kāḷako’’ti.
দীঘমদ্ধানন্তি চিরতরং কালং। সংসরন্তি আসাদনাধিপ্পাযেন সঞ্চরন্তো, অলং তুয্হং এতেন নিপ্পযোজনন্তি অধিপ্পাযো। ন হি তেন মারস্স কাচি অত্থসিদ্ধীতি।
Dīghamaddhānanti cirataraṃ kālaṃ. Saṃsaranti āsādanādhippāyena sañcaranto, alaṃ tuyhaṃ etena nippayojananti adhippāyo. Na hi tena mārassa kāci atthasiddhīti.
হত্থিরাজৰণ্ণসুত্তৰণ্ণনা নিট্ঠিতা।
Hatthirājavaṇṇasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. হত্থিরাজৰণ্ণসুত্তং • 2. Hatthirājavaṇṇasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. হত্থিরাজৰণ্ণসুত্তৰণ্ণনা • 2. Hatthirājavaṇṇasuttavaṇṇanā
