| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
൧൬൯. ഹത്ഥിമംസാദിപടിക്ഖേപകഥാ
169. Hatthimaṃsādipaṭikkhepakathā
൨൮൧. അരഞ്ഞകോകാ നാമാതി സസബിളാലാദയോ സത്തേ ഖാദനത്ഥായ കുകതി ആദദാതീതി കോകോ അരഞ്ഞേ ജാതോ കോകോ അരഞ്ഞകോകോ, സുനഖസദിസാതി ഗാമസുനഖേന സദിസാ. തേസന്തി അരഞ്ഞകോകാനം. യോ പനാതി സുനഖോ പന, ഉപ്പന്നോതി സമ്ബന്ധോ. ഗാമസുനഖിയാതി സാമ്യത്ഥേ സാമിവചനം. കോകേനാതി സഹാദിയോഗേ കരണവചനം. താനി പദാനി ‘‘സംയോഗേനാ’’തി പദേന യോജേതബ്ബാനി. തസ്സാതി സുനഖസ്സ.
281. Araññakokā nāmāti sasabiḷālādayo satte khādanatthāya kukati ādadātīti koko araññe jāto koko araññakoko, sunakhasadisāti gāmasunakhena sadisā. Tesanti araññakokānaṃ. Yo panāti sunakho pana, uppannoti sambandho. Gāmasunakhiyāti sāmyatthe sāmivacanaṃ. Kokenāti sahādiyoge karaṇavacanaṃ. Tāni padāni ‘‘saṃyogenā’’ti padena yojetabbāni. Tassāti sunakhassa.
ഏത്ഥാതി മനുസ്സമംസാദീസു. സജാതികതായാതി സമാനജാതികഭാവതോ. അനുപദ്ദവത്ഥായാതി അനുപദ്ദവത്ഥം, പടിക്ഖിത്താനീതി സമ്ബന്ധോ. ആപത്തീതി മനുസ്സമംസേ ഥുല്ലച്ചയേന, സേസേ ദുക്കടേന ആപത്തി. ഉദ്ദിസ്സ കതം പനാതി ഭിക്ഖും ഉദ്ദിസ്സ കതമംസം പന.
Etthāti manussamaṃsādīsu. Sajātikatāyāti samānajātikabhāvato. Anupaddavatthāyāti anupaddavatthaṃ, paṭikkhittānīti sambandho. Āpattīti manussamaṃse thullaccayena, sese dukkaṭena āpatti. Uddissa kataṃ panāti bhikkhuṃ uddissa katamaṃsaṃ pana.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൬൯. ഹത്ഥിമംസാദിപടിക്ഖേപകഥാ • 169. Hatthimaṃsādipaṭikkhepakathā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / ഹത്ഥിമംസാദിപടിക്ഖേപകഥാ • Hatthimaṃsādipaṭikkhepakathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ഹത്ഥിമംസാദിപടിക്ഖേപകഥാവണ്ണനാ • Hatthimaṃsādipaṭikkhepakathāvaṇṇanā
