| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၆၉. ဟတ္ထိမံသာဒိပဋိက္ခေပကထာ
169. Hatthimaṃsādipaṭikkhepakathā
၂၈၁. အရညကောကာ နာမာတိ သသဗိဠာလာဒယော သတ္တေ ခာဒနတ္ထာယ ကုကတိ အာဒဒာတီတိ ကောကော အရညေ ဇာတော ကောကော အရညကောကော, သုနခသဒိသာတိ ဂာမသုနခေန သဒိသာ။ တေသန္တိ အရညကောကာနံ။ ယော ပနာတိ သုနခော ပန, ဥပ္ပန္နောတိ သမ္ဗန္ဓော။ ဂာမသုနခိယာတိ သာမ္ယတ္ထေ သာမိဝစနံ။ ကောကေနာတိ သဟာဒိယောဂေ ကရဏဝစနံ။ တာနိ ပဒာနိ ‘‘သံယောဂေနာ’’တိ ပဒေန ယောဇေတဗ္ဗာနိ။ တသ္သာတိ သုနခသ္သ။
281. Araññakokā nāmāti sasabiḷālādayo satte khādanatthāya kukati ādadātīti koko araññe jāto koko araññakoko, sunakhasadisāti gāmasunakhena sadisā. Tesanti araññakokānaṃ. Yo panāti sunakho pana, uppannoti sambandho. Gāmasunakhiyāti sāmyatthe sāmivacanaṃ. Kokenāti sahādiyoge karaṇavacanaṃ. Tāni padāni ‘‘saṃyogenā’’ti padena yojetabbāni. Tassāti sunakhassa.
ဧတ္ထာတိ မနုသ္သမံသာဒီသု။ သဇာတိကတာယာတိ သမာနဇာတိကဘာဝတော။ အနုပဒ္ဒဝတ္ထာယာတိ အနုပဒ္ဒဝတ္ထံ, ပဋိက္ခိတ္တာနီတိ သမ္ဗန္ဓော။ အာပတ္တီတိ မနုသ္သမံသေ ထုလ္လစ္စယေန, သေသေ ဒုက္ကဋေန အာပတ္တိ။ ဥဒ္ဒိသ္သ ကတံ ပနာတိ ဘိက္ခုံ ဥဒ္ဒိသ္သ ကတမံသံ ပန။
Etthāti manussamaṃsādīsu. Sajātikatāyāti samānajātikabhāvato. Anupaddavatthāyāti anupaddavatthaṃ, paṭikkhittānīti sambandho. Āpattīti manussamaṃse thullaccayena, sese dukkaṭena āpatti. Uddissa kataṃ panāti bhikkhuṃ uddissa katamaṃsaṃ pana.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၆၉. ဟတ္ထိမံသာဒိပဋိက္ခေပကထာ • 169. Hatthimaṃsādipaṭikkhepakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဟတ္ထိမံသာဒိပဋိက္ခေပကထာ • Hatthimaṃsādipaṭikkhepakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဟတ္ထိမံသာဒိပဋိက္ခေပကထာဝဏ္ဏနာ • Hatthimaṃsādipaṭikkhepakathāvaṇṇanā
