| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૧૬૯. હત્થિમંસાદિપટિક્ખેપકથા
169. Hatthimaṃsādipaṭikkhepakathā
૨૮૧. અરઞ્ઞકોકા નામાતિ સસબિળાલાદયો સત્તે ખાદનત્થાય કુકતિ આદદાતીતિ કોકો અરઞ્ઞે જાતો કોકો અરઞ્ઞકોકો, સુનખસદિસાતિ ગામસુનખેન સદિસા. તેસન્તિ અરઞ્ઞકોકાનં. યો પનાતિ સુનખો પન, ઉપ્પન્નોતિ સમ્બન્ધો. ગામસુનખિયાતિ સામ્યત્થે સામિવચનં. કોકેનાતિ સહાદિયોગે કરણવચનં. તાનિ પદાનિ ‘‘સંયોગેના’’તિ પદેન યોજેતબ્બાનિ. તસ્સાતિ સુનખસ્સ.
281. Araññakokā nāmāti sasabiḷālādayo satte khādanatthāya kukati ādadātīti koko araññe jāto koko araññakoko, sunakhasadisāti gāmasunakhena sadisā. Tesanti araññakokānaṃ. Yo panāti sunakho pana, uppannoti sambandho. Gāmasunakhiyāti sāmyatthe sāmivacanaṃ. Kokenāti sahādiyoge karaṇavacanaṃ. Tāni padāni ‘‘saṃyogenā’’ti padena yojetabbāni. Tassāti sunakhassa.
એત્થાતિ મનુસ્સમંસાદીસુ. સજાતિકતાયાતિ સમાનજાતિકભાવતો. અનુપદ્દવત્થાયાતિ અનુપદ્દવત્થં, પટિક્ખિત્તાનીતિ સમ્બન્ધો. આપત્તીતિ મનુસ્સમંસે થુલ્લચ્ચયેન, સેસે દુક્કટેન આપત્તિ. ઉદ્દિસ્સ કતં પનાતિ ભિક્ખું ઉદ્દિસ્સ કતમંસં પન.
Etthāti manussamaṃsādīsu. Sajātikatāyāti samānajātikabhāvato. Anupaddavatthāyāti anupaddavatthaṃ, paṭikkhittānīti sambandho. Āpattīti manussamaṃse thullaccayena, sese dukkaṭena āpatti. Uddissa kataṃ panāti bhikkhuṃ uddissa katamaṃsaṃ pana.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૬૯. હત્થિમંસાદિપટિક્ખેપકથા • 169. Hatthimaṃsādipaṭikkhepakathā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / હત્થિમંસાદિપટિક્ખેપકથા • Hatthimaṃsādipaṭikkhepakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / હત્થિમંસાદિપટિક્ખેપકથાવણ્ણના • Hatthimaṃsādipaṭikkhepakathāvaṇṇanā
