| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
169. ஹத்தி²மங்ஸாதி³படிக்கே²பகதா²
169. Hatthimaṃsādipaṭikkhepakathā
281. அரஞ்ஞகோகா நாமாதி ஸஸபி³ளாலாத³யோ ஸத்தே கா²த³னத்தா²ய குகதி ஆத³தா³தீதி கோகோ அரஞ்ஞே ஜாதோ கோகோ அரஞ்ஞகோகோ, ஸுனக²ஸதி³ஸாதி கா³மஸுனகே²ன ஸதி³ஸா. தேஸந்தி அரஞ்ஞகோகானங். யோ பனாதி ஸுனகோ² பன, உப்பன்னோதி ஸம்ப³ந்தோ⁴. கா³மஸுனகி²யாதி ஸாம்யத்தே² ஸாமிவசனங். கோகேனாதி ஸஹாதி³யோகே³ கரணவசனங். தானி பதா³னி ‘‘ஸங்யோகே³னா’’தி பதே³ன யோஜேதப்³பா³னி. தஸ்ஸாதி ஸுனக²ஸ்ஸ.
281. Araññakokā nāmāti sasabiḷālādayo satte khādanatthāya kukati ādadātīti koko araññe jāto koko araññakoko, sunakhasadisāti gāmasunakhena sadisā. Tesanti araññakokānaṃ. Yo panāti sunakho pana, uppannoti sambandho. Gāmasunakhiyāti sāmyatthe sāmivacanaṃ. Kokenāti sahādiyoge karaṇavacanaṃ. Tāni padāni ‘‘saṃyogenā’’ti padena yojetabbāni. Tassāti sunakhassa.
எத்தா²தி மனுஸ்ஸமங்ஸாதீ³ஸு. ஸஜாதிகதாயாதி ஸமானஜாதிகபா⁴வதோ. அனுபத்³த³வத்தா²யாதி அனுபத்³த³வத்த²ங், படிக்கி²த்தானீதி ஸம்ப³ந்தோ⁴. ஆபத்தீதி மனுஸ்ஸமங்ஸே து²ல்லச்சயேன, ஸேஸே து³க்கடேன ஆபத்தி. உத்³தி³ஸ்ஸ கதங் பனாதி பி⁴க்கு²ங் உத்³தி³ஸ்ஸ கதமங்ஸங் பன.
Etthāti manussamaṃsādīsu. Sajātikatāyāti samānajātikabhāvato. Anupaddavatthāyāti anupaddavatthaṃ, paṭikkhittānīti sambandho. Āpattīti manussamaṃse thullaccayena, sese dukkaṭena āpatti. Uddissa kataṃ panāti bhikkhuṃ uddissa katamaṃsaṃ pana.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 169. ஹத்தி²மங்ஸாதி³படிக்கே²பகதா² • 169. Hatthimaṃsādipaṭikkhepakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஹத்தி²மங்ஸாதி³படிக்கே²பகதா² • Hatthimaṃsādipaṭikkhepakathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஹத்தி²மங்ஸாதி³படிக்கே²பகதா²வண்ணனா • Hatthimaṃsādipaṭikkhepakathāvaṇṇanā
