| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. හාසජනකත්ථෙරඅපදානං
3. Hāsajanakattheraapadānaṃ
13.
13.
‘‘දුමග්ගෙ පංසුකූලකං 1, ලග්ගං දිස්වාන සත්ථුනො;
‘‘Dumagge paṃsukūlakaṃ 2, laggaṃ disvāna satthuno;
අඤ්ජලිං පග්ගහෙත්වාන, භිය්යො උච්චාරිතං මයා.
Añjaliṃ paggahetvāna, bhiyyo uccāritaṃ mayā.
14.
14.
අඤ්ජලිං පග්ගහෙත්වාන, භිය්යො චිත්තං පසාදයිං.
Añjaliṃ paggahetvāna, bhiyyo cittaṃ pasādayiṃ.
15.
15.
‘‘එකනවුතිතො කප්පෙ, යං සඤ්ඤමලභිං තදා;
‘‘Ekanavutito kappe, yaṃ saññamalabhiṃ tadā;
දුග්ගතිං නාභිජානාමි, බුද්ධසඤ්ඤායිදං ඵලං.
Duggatiṃ nābhijānāmi, buddhasaññāyidaṃ phalaṃ.
16.
16.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා හාසජනකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā hāsajanako thero imā gāthāyo abhāsitthāti.
හාසජනකත්ථෙරස්සාපදානං තතියං.
Hāsajanakattherassāpadānaṃ tatiyaṃ.
Footnotes:
