| Library / Tipiṭaka / តិបិដក • Tipiṭaka / កង្ខាវិតរណី-បុរាណ-ដីកា • Kaṅkhāvitaraṇī-purāṇa-ṭīkā |
៣. ហសធម្មសិក្ខាបទវណ្ណនា
3. Hasadhammasikkhāpadavaṇṇanā
‘‘ចិក្ខល្លំ វា’’តិ វចនតោ សក្ខរម្បិ ខិបនកីឡាយ កីឡតោ ទុក្កដមេវ។ ឧបរិគោប្ផកេ បាចិត្តិយំ, អញ្ញត្ថ ទុក្កដន្តិ បាចិត្តិយវត្ថុអត្ថវសេន ‘‘ឧទកេ ហសធម្មេ បាចិត្តិយ’’ន្តិ វុត្តំ។
‘‘Cikkhallaṃ vā’’ti vacanato sakkharampi khipanakīḷāya kīḷato dukkaṭameva. Uparigopphake pācittiyaṃ, aññattha dukkaṭanti pācittiyavatthuatthavasena ‘‘udake hasadhamme pācittiya’’nti vuttaṃ.
ឥទំ សញ្ញាវិមោក្ខំ ចេ, តិកបាចិត្តិយំ កថំ;
Idaṃ saññāvimokkhaṃ ce, tikapācittiyaṃ kathaṃ;
កីឡិតំវ អកីឡាតិ, មិច្ឆាគាហេន តំ សិយា។
Kīḷitaṃva akīḷāti, micchāgāhena taṃ siyā.
ឯត្តាវតា កថំ កីឡា, ឥតិ កីឡាយំ ឯវាយំ;
Ettāvatā kathaṃ kīḷā, iti kīḷāyaṃ evāyaṃ;
អកីឡាសញ្ញី ហោតេត្ថ, វិនយត្ថំ សមាទយេ។
Akīḷāsaññī hotettha, vinayatthaṃ samādaye.
ឯកន្តាកុសលោ យស្មា, កីឡាយាភិរតមនោ;
Ekantākusalo yasmā, kīḷāyābhiratamano;
តស្មា អកុសលំ ចិត្តំ, ឯកមេវេត្ថ លព្ភតីតិ។ (វជិរ. ដី. បាចិត្តិយ ៣៣៦);
Tasmā akusalaṃ cittaṃ, ekamevettha labbhatīti. (vajira. ṭī. pācittiya 336);
ហសធម្មសិក្ខាបទវណ្ណនា និដ្ឋិតា។
Hasadhammasikkhāpadavaṇṇanā niṭṭhitā.
