| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭-౮. హాలిద్దికానిసుత్తాదివణ్ణనా
7-8. Hāliddikānisuttādivaṇṇanā
౧౩౦-౧౩౧. సత్తమే మనాపం ఇత్థేతన్తి పజానాతీతి యం అనేన మనాపం రూపం దిట్ఠం, తం ఇత్థేతన్తి ఏవమేతం మనాపమేవ తన్తి పజానాతి. చక్ఖువిఞ్ఞాణం సుఖవేదనియఞ్చ ఫస్సం పటిచ్చాతి చక్ఖువిఞ్ఞాణఞ్చేవ, యో చ ఉపనిస్సయకోటియా వా అనన్తరకోటియా వా సమనన్తరకోటియా వా సమ్పయుత్తకోటియా వా సుఖవేదనాయ పచ్చయో ఫస్సో, తం సుఖవేదనియం ఫస్సఞ్చ పటిచ్చ ఉప్పజ్జతి సుఖవేదనాతి. ఏస నయో సబ్బత్థ. ఇతి ఇమేసు ద్వీసు సుత్తేసు కిరియామనోవిఞ్ఞాణధాతు ఆవజ్జనకిచ్చా, మనోధాతుయేవ వా సమానా మనోధాతునామేన వుత్తాతి వేదితబ్బా. అట్ఠమం ఉత్తానమేవ.
130-131. Sattame manāpaṃ itthetanti pajānātīti yaṃ anena manāpaṃ rūpaṃ diṭṭhaṃ, taṃ itthetanti evametaṃ manāpameva tanti pajānāti. Cakkhuviññāṇaṃ sukhavedaniyañca phassaṃ paṭiccāti cakkhuviññāṇañceva, yo ca upanissayakoṭiyā vā anantarakoṭiyā vā samanantarakoṭiyā vā sampayuttakoṭiyā vā sukhavedanāya paccayo phasso, taṃ sukhavedaniyaṃ phassañca paṭicca uppajjati sukhavedanāti. Esa nayo sabbattha. Iti imesu dvīsu suttesu kiriyāmanoviññāṇadhātu āvajjanakiccā, manodhātuyeva vā samānā manodhātunāmena vuttāti veditabbā. Aṭṭhamaṃ uttānameva.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya
౭. హాలిద్దికానిసుత్తం • 7. Hāliddikānisuttaṃ
౮. నకులపితుసుత్తం • 8. Nakulapitusuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭-౮. హాలిద్దికానిసుత్తాదివణ్ణనా • 7-8. Hāliddikānisuttādivaṇṇanā
