| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7-8. ஹாலித்³தி³கானிஸுத்தாதி³வண்ணனா
7-8. Hāliddikānisuttādivaṇṇanā
130-131. தங் இத்தே²தந்தி சக்கு²னா யங் ரூபங் தி³ட்ட²ங், தங் இத்த²ந்தி அத்தோ². தங் ஸுக²வேத³னியந்தி தங் ஸுக²வேத³னாய உபனிஸ்ஸயகோடியா பச்சயபூ⁴தங் சக்கு²விஞ்ஞாணஞ்சேவ, யோ ச யதா²ரஹங் உபனிஸ்ஸயகோடியா வா, அனந்தரோ சே அனந்தரகோடியா வா, ஸஹஜாதோ சே ஸம்பயுத்தகோடியா வா, ஸுக²வேத³னாய பச்சயோ ப²ஸ்ஸோ. தங் ஸுக²வேத³னியஞ்ச ப²ஸ்ஸங் படிச்ச உப்பஜ்ஜதி ஸுக²வேத³னாதி யோஜனா. ஏஸ நயோ ஸப்³ப³த்த² ஸப்³பே³ஸு ஸேஸேஸு ஸத்தஸு வாரேஸு. மனோதா⁴துயேவ வா ஸமானாதி அபி⁴த⁴ம்மனயேன. ஸுத்தந்தனயேன பன ஸுஞ்ஞதட்டே²ன நிஸ்ஸத்தனிஜ்ஜீவட்டே²ன ச மனோதா⁴துஸமஞ்ஞங் லப⁴தேவ. அட்ட²மங் உத்தானமேவ ஹெட்டா² வுத்தனயத்தா.
130-131.Taṃitthetanti cakkhunā yaṃ rūpaṃ diṭṭhaṃ, taṃ itthanti attho. Taṃ sukhavedaniyanti taṃ sukhavedanāya upanissayakoṭiyā paccayabhūtaṃ cakkhuviññāṇañceva, yo ca yathārahaṃ upanissayakoṭiyā vā, anantaro ce anantarakoṭiyā vā, sahajāto ce sampayuttakoṭiyā vā, sukhavedanāya paccayo phasso. Taṃ sukhavedaniyañca phassaṃ paṭicca uppajjati sukhavedanāti yojanā. Esa nayo sabbattha sabbesu sesesu sattasu vāresu. Manodhātuyeva vā samānāti abhidhammanayena. Suttantanayena pana suññataṭṭhena nissattanijjīvaṭṭhena ca manodhātusamaññaṃ labhateva. Aṭṭhamaṃ uttānameva heṭṭhā vuttanayattā.
ஹாலித்³தி³கானிஸுத்தாதி³வண்ணனா நிட்டி²தா.
Hāliddikānisuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
7. ஹாலித்³தி³கானிஸுத்தங் • 7. Hāliddikānisuttaṃ
8. நகுலபிதுஸுத்தங் • 8. Nakulapitusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7-8. ஹாலித்³தி³கானிஸுத்தாதி³வண்ணனா • 7-8. Hāliddikānisuttādivaṇṇanā
