| Library / Tipiṭaka / ติปิฎก • Tipiṭaka / เถรีคาถาปาฬิ • Therīgāthāpāḷi |
๗. คุตฺตาเถรีคาถา
7. Guttātherīgāthā
๑๖๓.
163.
‘‘คุเตฺต ยทตฺถํ ปพฺพชฺชา, หิตฺวา ปุตฺตํ วสุํ ปิยํ;
‘‘Gutte yadatthaṃ pabbajjā, hitvā puttaṃ vasuṃ piyaṃ;
ตเมว อนุพฺรูเหหิ, มา จิตฺตสฺส วสํ คมิฯ
Tameva anubrūhehi, mā cittassa vasaṃ gami.
๑๖๔.
164.
‘‘จิเตฺตน วญฺจิตา สตฺตา, มารสฺส วิสเย รตา;
‘‘Cittena vañcitā sattā, mārassa visaye ratā;
อเนกชาติสํสารํ, สนฺธาวนฺติ อวิทฺทสูฯ
Anekajātisaṃsāraṃ, sandhāvanti aviddasū.
๑๖๕.
165.
‘‘กามจฺฉนฺทญฺจ พฺยาปาทํ, สกฺกายทิฎฺฐิเมว จ;
‘‘Kāmacchandañca byāpādaṃ, sakkāyadiṭṭhimeva ca;
สีลพฺพตปรามาสํ, วิจิกิจฺฉญฺจ ปญฺจมํฯ
Sīlabbataparāmāsaṃ, vicikicchañca pañcamaṃ.
๑๖๖.
166.
‘‘สํโยชนานิ เอตานิ, ปชหิตฺวาน ภิกฺขุนี;
‘‘Saṃyojanāni etāni, pajahitvāna bhikkhunī;
โอรมฺภาคมนียานิ, นยิทํ ปุนเรหิสิฯ
Orambhāgamanīyāni, nayidaṃ punarehisi.
๑๖๗.
167.
‘‘ราคํ มานํ อวิชฺชญฺจ, อุทฺธจฺจญฺจ วิวชฺชิย;
‘‘Rāgaṃ mānaṃ avijjañca, uddhaccañca vivajjiya;
สํโยชนานิ เฉตฺวาน, ทุกฺขสฺสนฺตํ กริสฺสสิฯ
Saṃyojanāni chetvāna, dukkhassantaṃ karissasi.
๑๖๘.
168.
‘‘เขเปตฺวา ชาติสํสารํ, ปริญฺญาย ปุนพฺภวํ;
‘‘Khepetvā jātisaṃsāraṃ, pariññāya punabbhavaṃ;
ทิเฎฺฐว ธเมฺม นิจฺฉาตา, อุปสนฺตา จริสฺสตี’’ติฯ
Diṭṭheva dhamme nicchātā, upasantā carissatī’’ti.
… คุตฺตา เถรี…ฯ
… Guttā therī….
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรีคาถา-อฎฺฐกถา • Therīgāthā-aṭṭhakathā / ๗. คุตฺตาเถรีคาถาวณฺณนา • 7. Guttātherīgāthāvaṇṇanā
