| Library / Tipiṭaka / તિપિટક • Tipiṭaka / થેરીગાથાપાળિ • Therīgāthāpāḷi |
૭. ગુત્તાથેરીગાથા
7. Guttātherīgāthā
૧૬૩.
163.
‘‘ગુત્તે યદત્થં પબ્બજ્જા, હિત્વા પુત્તં વસું પિયં;
‘‘Gutte yadatthaṃ pabbajjā, hitvā puttaṃ vasuṃ piyaṃ;
તમેવ અનુબ્રૂહેહિ, મા ચિત્તસ્સ વસં ગમિ.
Tameva anubrūhehi, mā cittassa vasaṃ gami.
૧૬૪.
164.
‘‘ચિત્તેન વઞ્ચિતા સત્તા, મારસ્સ વિસયે રતા;
‘‘Cittena vañcitā sattā, mārassa visaye ratā;
અનેકજાતિસંસારં, સન્ધાવન્તિ અવિદ્દસૂ.
Anekajātisaṃsāraṃ, sandhāvanti aviddasū.
૧૬૫.
165.
‘‘કામચ્છન્દઞ્ચ બ્યાપાદં, સક્કાયદિટ્ઠિમેવ ચ;
‘‘Kāmacchandañca byāpādaṃ, sakkāyadiṭṭhimeva ca;
સીલબ્બતપરામાસં, વિચિકિચ્છઞ્ચ પઞ્ચમં.
Sīlabbataparāmāsaṃ, vicikicchañca pañcamaṃ.
૧૬૬.
166.
‘‘સંયોજનાનિ એતાનિ, પજહિત્વાન ભિક્ખુની;
‘‘Saṃyojanāni etāni, pajahitvāna bhikkhunī;
ઓરમ્ભાગમનીયાનિ, નયિદં પુનરેહિસિ.
Orambhāgamanīyāni, nayidaṃ punarehisi.
૧૬૭.
167.
‘‘રાગં માનં અવિજ્જઞ્ચ, ઉદ્ધચ્ચઞ્ચ વિવજ્જિય;
‘‘Rāgaṃ mānaṃ avijjañca, uddhaccañca vivajjiya;
સંયોજનાનિ છેત્વાન, દુક્ખસ્સન્તં કરિસ્સસિ.
Saṃyojanāni chetvāna, dukkhassantaṃ karissasi.
૧૬૮.
168.
‘‘ખેપેત્વા જાતિસંસારં, પરિઞ્ઞાય પુનબ્ભવં;
‘‘Khepetvā jātisaṃsāraṃ, pariññāya punabbhavaṃ;
દિટ્ઠેવ ધમ્મે નિચ્છાતા, ઉપસન્તા ચરિસ્સતી’’તિ.
Diṭṭheva dhamme nicchātā, upasantā carissatī’’ti.
… ગુત્તા થેરી….
… Guttā therī….
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / થેરીગાથા-અટ્ઠકથા • Therīgāthā-aṭṭhakathā / ૭. ગુત્તાથેરીગાથાવણ્ણના • 7. Guttātherīgāthāvaṇṇanā
