| Library / Tipiṭaka / ತಿಪಿಟಕ • Tipiṭaka / ಪೇತವತ್ಥುಪಾಳಿ • Petavatthupāḷi |
೮. ಗೋಣಪೇತವತ್ಥು
8. Goṇapetavatthu
೪೬.
46.
‘‘ಕಿಂ ನು ಉಮ್ಮತ್ತರೂಪೋವ, ಲಾಯಿತ್ವಾ ಹರಿತಂ ತಿಣಂ।
‘‘Kiṃ nu ummattarūpova, lāyitvā haritaṃ tiṇaṃ;
ಖಾದ ಖಾದಾತಿ ಲಪಸಿ, ಗತಸತ್ತಂ ಜರಗ್ಗವಂ॥
Khāda khādāti lapasi, gatasattaṃ jaraggavaṃ.
೪೭.
47.
‘‘ನ ಹಿ ಅನ್ನೇನ ಪಾನೇನ, ಮತೋ ಗೋಣೋ ಸಮುಟ್ಠಹೇ।
‘‘Na hi annena pānena, mato goṇo samuṭṭhahe;
ತ್ವಂಸಿ ಬಾಲೋ ಚ 1 ದುಮ್ಮೇಧೋ, ಯಥಾ ತಞ್ಞೋವ ದುಮ್ಮತೀ’’ತಿ॥
Tvaṃsi bālo ca 2 dummedho, yathā taññova dummatī’’ti.
೪೮.
48.
‘‘ಇಮೇ ಪಾದಾ ಇದಂ ಸೀಸಂ, ಅಯಂ ಕಾಯೋ ಸವಾಲಧಿ।
‘‘Ime pādā idaṃ sīsaṃ, ayaṃ kāyo savāladhi;
ನೇತ್ತಾ ತಥೇವ ತಿಟ್ಠನ್ತಿ, ಅಯಂ ಗೋಣೋ ಸಮುಟ್ಠಹೇ॥
Nettā tatheva tiṭṭhanti, ayaṃ goṇo samuṭṭhahe.
೪೯.
49.
‘‘ನಾಯ್ಯಕಸ್ಸ ಹತ್ಥಪಾದಾ, ಕಾಯೋ ಸೀಸಞ್ಚ ದಿಸ್ಸತಿ।
‘‘Nāyyakassa hatthapādā, kāyo sīsañca dissati;
ರುದಂ ಮತ್ತಿಕಥೂಪಸ್ಮಿಂ, ನನು ತ್ವಞ್ಞೇವ ದುಮ್ಮತೀ’’ತಿ॥
Rudaṃ mattikathūpasmiṃ, nanu tvaññeva dummatī’’ti.
೫೦.
50.
‘‘ಆದಿತ್ತಂ ವತ ಮಂ ಸನ್ತಂ, ಘತಸಿತ್ತಂವ ಪಾವಕಂ।
‘‘Ādittaṃ vata maṃ santaṃ, ghatasittaṃva pāvakaṃ;
ವಾರಿನಾ ವಿಯ ಓಸಿಞ್ಚಂ, ಸಬ್ಬಂ ನಿಬ್ಬಾಪಯೇ ದರಂ॥
Vārinā viya osiñcaṃ, sabbaṃ nibbāpaye daraṃ.
೫೧.
51.
ಯೋ ಮೇ ಸೋಕಪರೇತಸ್ಸ, ಪಿತುಸೋಕಂ ಅಪಾನುದಿ॥
Yo me sokaparetassa, pitusokaṃ apānudi.
೫೨.
52.
‘‘ಸ್ವಾಹಂ ಅಬ್ಬೂಳ್ಹಸಲ್ಲೋಸ್ಮಿ, ಸೀತಿಭೂತೋಸ್ಮಿ ನಿಬ್ಬುತೋ।
‘‘Svāhaṃ abbūḷhasallosmi, sītibhūtosmi nibbuto;
ನ ಸೋಚಾಮಿ ನ ರೋದಾಮಿ, ತವ ಸುತ್ವಾನ ಮಾಣವ’॥
Na socāmi na rodāmi, tava sutvāna māṇava’.
೫೩.
53.
ಏವಂ ಕರೋನ್ತಿ ಸಪ್ಪಞ್ಞಾ, ಯೇ ಹೋನ್ತಿ ಅನುಕಮ್ಪಕಾ।
Evaṃ karonti sappaññā, ye honti anukampakā;
ವಿನಿವತ್ತಯನ್ತಿ ಸೋಕಮ್ಹಾ, ಸುಜಾತೋ ಪಿತರಂ ಯಥಾತಿ॥
Vinivattayanti sokamhā, sujāto pitaraṃ yathāti.
ಗೋಣಪೇತವತ್ಥು ಅಟ್ಠಮಂ।
Goṇapetavatthu aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಪೇತವತ್ಥು-ಅಟ್ಠಕಥಾ • Petavatthu-aṭṭhakathā / ೮. ಗೋಣಪೇತವತ್ಥುವಣ್ಣನಾ • 8. Goṇapetavatthuvaṇṇanā
