| Library / Tipiṭaka / তিপিটক • Tipiṭaka / পেতৰত্থুপাল়ি • Petavatthupāḷi |
৮. গোণপেতৰত্থু
8. Goṇapetavatthu
৪৬.
46.
‘‘কিং নু উম্মত্তরূপোৰ, লাযিত্ৰা হরিতং তিণং।
‘‘Kiṃ nu ummattarūpova, lāyitvā haritaṃ tiṇaṃ;
খাদ খাদাতি লপসি, গতসত্তং জরগ্গৰং॥
Khāda khādāti lapasi, gatasattaṃ jaraggavaṃ.
৪৭.
47.
‘‘ন হি অন্নেন পানেন, মতো গোণো সমুট্ঠহে।
‘‘Na hi annena pānena, mato goṇo samuṭṭhahe;
ত্ৰংসি বালো চ 1 দুম্মেধো, যথা তঞ্ঞোৰ দুম্মতী’’তি॥
Tvaṃsi bālo ca 2 dummedho, yathā taññova dummatī’’ti.
৪৮.
48.
‘‘ইমে পাদা ইদং সীসং, অযং কাযো সৰালধি।
‘‘Ime pādā idaṃ sīsaṃ, ayaṃ kāyo savāladhi;
নেত্তা তথেৰ তিট্ঠন্তি, অযং গোণো সমুট্ঠহে॥
Nettā tatheva tiṭṭhanti, ayaṃ goṇo samuṭṭhahe.
৪৯.
49.
‘‘নায্যকস্স হত্থপাদা, কাযো সীসঞ্চ দিস্সতি।
‘‘Nāyyakassa hatthapādā, kāyo sīsañca dissati;
রুদং মত্তিকথূপস্মিং, ননু ত্ৰঞ্ঞেৰ দুম্মতী’’তি॥
Rudaṃ mattikathūpasmiṃ, nanu tvaññeva dummatī’’ti.
৫০.
50.
‘‘আদিত্তং ৰত মং সন্তং, ঘতসিত্তংৰ পাৰকং।
‘‘Ādittaṃ vata maṃ santaṃ, ghatasittaṃva pāvakaṃ;
ৰারিনা ৰিয ওসিঞ্চং, সব্বং নিব্বাপযে দরং॥
Vārinā viya osiñcaṃ, sabbaṃ nibbāpaye daraṃ.
৫১.
51.
যো মে সোকপরেতস্স, পিতুসোকং অপানুদি॥
Yo me sokaparetassa, pitusokaṃ apānudi.
৫২.
52.
‘‘স্ৰাহং অব্বূল়্হসল্লোস্মি, সীতিভূতোস্মি নিব্বুতো।
‘‘Svāhaṃ abbūḷhasallosmi, sītibhūtosmi nibbuto;
ন সোচামি ন রোদামি, তৰ সুত্ৰান মাণৰ’॥
Na socāmi na rodāmi, tava sutvāna māṇava’.
৫৩.
53.
এৰং করোন্তি সপ্পঞ্ঞা, যে হোন্তি অনুকম্পকা।
Evaṃ karonti sappaññā, ye honti anukampakā;
ৰিনিৰত্তযন্তি সোকম্হা, সুজাতো পিতরং যথাতি॥
Vinivattayanti sokamhā, sujāto pitaraṃ yathāti.
গোণপেতৰত্থু অট্ঠমং।
Goṇapetavatthu aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পেতৰত্থু-অট্ঠকথা • Petavatthu-aṭṭhakathā / ৮. গোণপেতৰত্থুৰণ্ণনা • 8. Goṇapetavatthuvaṇṇanā
