| Library / Tipiṭaka / திபிடக • Tipiṭaka / பேதவத்து²பாளி • Petavatthupāḷi |
8. கோ³ணபேதவத்து²
8. Goṇapetavatthu
46.
46.
‘‘கிங் நு உம்மத்தரூபோவ, லாயித்வா ஹரிதங் திணங்;
‘‘Kiṃ nu ummattarūpova, lāyitvā haritaṃ tiṇaṃ;
கா²த³ கா²தா³தி லபஸி, க³தஸத்தங் ஜரக்³க³வங்.
Khāda khādāti lapasi, gatasattaṃ jaraggavaṃ.
47.
47.
‘‘ந ஹி அன்னேன பானேன, மதோ கோ³ணோ ஸமுட்ட²ஹே;
‘‘Na hi annena pānena, mato goṇo samuṭṭhahe;
த்வங்ஸி பா³லோ ச 1 து³ம்மேதோ⁴, யதா² தஞ்ஞோவ து³ம்மதீ’’தி.
Tvaṃsi bālo ca 2 dummedho, yathā taññova dummatī’’ti.
48.
48.
‘‘இமே பாதா³ இத³ங் ஸீஸங், அயங் காயோ ஸவாலதி⁴;
‘‘Ime pādā idaṃ sīsaṃ, ayaṃ kāyo savāladhi;
நெத்தா ததே²வ திட்ட²ந்தி, அயங் கோ³ணோ ஸமுட்ட²ஹே.
Nettā tatheva tiṭṭhanti, ayaṃ goṇo samuṭṭhahe.
49.
49.
‘‘நாய்யகஸ்ஸ ஹத்த²பாதா³, காயோ ஸீஸஞ்ச தி³ஸ்ஸதி;
‘‘Nāyyakassa hatthapādā, kāyo sīsañca dissati;
ருத³ங் மத்திகதூ²பஸ்மிங், நனு த்வஞ்ஞேவ து³ம்மதீ’’தி.
Rudaṃ mattikathūpasmiṃ, nanu tvaññeva dummatī’’ti.
50.
50.
‘‘ஆதி³த்தங் வத மங் ஸந்தங், க⁴தஸித்தங்வ பாவகங்;
‘‘Ādittaṃ vata maṃ santaṃ, ghatasittaṃva pāvakaṃ;
வாரினா விய ஓஸிஞ்சங், ஸப்³ப³ங் நிப்³பா³பயே த³ரங்.
Vārinā viya osiñcaṃ, sabbaṃ nibbāpaye daraṃ.
51.
51.
யோ மே ஸோகபரேதஸ்ஸ, பிதுஸோகங் அபானுதி³.
Yo me sokaparetassa, pitusokaṃ apānudi.
52.
52.
‘‘ஸ்வாஹங் அப்³பூ³ள்ஹஸல்லொஸ்மி, ஸீதிபூ⁴தொஸ்மி நிப்³பு³தோ;
‘‘Svāhaṃ abbūḷhasallosmi, sītibhūtosmi nibbuto;
ந ஸோசாமி ந ரோதா³மி, தவ ஸுத்வான மாணவ’.
Na socāmi na rodāmi, tava sutvāna māṇava’.
53.
53.
ஏவங் கரொந்தி ஸப்பஞ்ஞா, யே ஹொந்தி அனுகம்பகா;
Evaṃ karonti sappaññā, ye honti anukampakā;
வினிவத்தயந்தி ஸோகம்ஹா, ஸுஜாதோ பிதரங் யதா²தி.
Vinivattayanti sokamhā, sujāto pitaraṃ yathāti.
கோ³ணபேதவத்து² அட்ட²மங்.
Goṇapetavatthu aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / பேதவத்து²-அட்ட²கதா² • Petavatthu-aṭṭhakathā / 8. கோ³ணபேதவத்து²வண்ணனா • 8. Goṇapetavatthuvaṇṇanā
