| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਗੋਧਸਕ੍ਕਸੁਤ੍ਤવਣ੍ਣਨਾ
3. Godhasakkasuttavaṇṇanā
੧੦੧੯. ਤੀਹੀਤਿ ਰਤਨਤ੍ਤਯੇ ਉਪ੍ਪਨ੍ਨੇਹਿ ਤੀਹਿ ਪਸਾਦਧਮ੍ਮੇਹਿ। ਚਤੂਹੀਤਿ ਤੇਹਿ ਏવ ਸਦ੍ਧਿਂ ਸੀਲੇਨ। ਕੋਚਿਦੇવਾਤਿਆਦਿ ਪਰਿਕਪ੍ਪવਸੇਨ વੁਤ੍ਤਂ ਭਗવਤਿ ਅਤ੍ਤਨੋ ਸਦ੍ਧਾਯ ਉਲ਼ਾਰਤਮਭਾવਦਸ੍ਸਨਤ੍ਥਂ। ਤੇਨਾਹ ‘‘ਭਗવਤੋ ਸਬ੍ਬਞ੍ਞੁਤਾਯਾ’’ਤਿਆਦਿ। ਧਮ੍ਮੋ ਸਮੁਪ੍ਪਾਦੋਤਿ વਿવਾਦਧਮ੍ਮਉਪ੍ਪਤ੍ਤਿਹੇਤੁ। ਤਦੇવ ਹਿ ਸਨ੍ਧਾਯਾਹ ‘‘ਕਿਞ੍ਚਿਦੇવ ਕਾਰਣ’’ਨ੍ਤਿ। ਕਾਰਣਨ੍ਤਿ ਨਾਨਾਕਾਰਣਂ। ਕਲ੍ਯਾਣਕੁਸਲવਿਮੁਤ੍ਤਨ੍ਤਿ ਅਕਲ੍ਯਾਣਂ ਅਕੁਸਲਂ, ਤਦਿਦਂ ਯਥਾવੁਤ੍ਤਅਪ੍ਪਸਾਦਨੇਨ ਅਪਨੀਤਅਤ੍ਥਦਸ੍ਸਨਤ੍ਥਂ। ਅਸ੍ਸਾਤਿ ਮਹਾਨਾਮਸਕ੍ਕਸ੍ਸ। ਅਨવਜ੍ਜਨਦੋਸੋ ਏਸੋਤਿ ਚਤੂਸੁ ਧਮ੍ਮੇਸੁ ਏਕੇਨਪਿ ਸਮਨ੍ਨਾਗਤੋ ਸੋਤਾਪਨ੍ਨੋ ਹੋਤੀਤਿ ਅਨੁਜਾਨਿਤ੍વਾ ਚਤੂਹਿਪਿ ਸਮਨ੍ਨਾਗਤੇਨ ਆਚਿਕ੍ਖਿਤਬ੍ਬਨ੍ਤਿ ਯਾਥਾવਤੋ ਅਨવਜ੍ਜਨਦੋਸੋਤਿ ਅਤ੍ਥੋ।
1019.Tīhīti ratanattaye uppannehi tīhi pasādadhammehi. Catūhīti tehi eva saddhiṃ sīlena. Kocidevātiādi parikappavasena vuttaṃ bhagavati attano saddhāya uḷāratamabhāvadassanatthaṃ. Tenāha ‘‘bhagavato sabbaññutāyā’’tiādi. Dhammo samuppādoti vivādadhammauppattihetu. Tadeva hi sandhāyāha ‘‘kiñcideva kāraṇa’’nti. Kāraṇanti nānākāraṇaṃ. Kalyāṇakusalavimuttanti akalyāṇaṃ akusalaṃ, tadidaṃ yathāvuttaappasādanena apanītaatthadassanatthaṃ. Assāti mahānāmasakkassa. Anavajjanadoso esoti catūsu dhammesu ekenapi samannāgato sotāpanno hotīti anujānitvā catūhipi samannāgatena ācikkhitabbanti yāthāvato anavajjanadosoti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਗੋਧਸਕ੍ਕਸੁਤ੍ਤਂ • 3. Godhasakkasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਗੋਧਸਕ੍ਕਸੁਤ੍ਤવਣ੍ਣਨਾ • 3. Godhasakkasuttavaṇṇanā
