| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༣. གོདྷསཀྐསུཏྟཝཎྞནཱ
3. Godhasakkasuttavaṇṇanā
༡༠༡༩. ཏཱིཧཱིཏི རཏནཏྟཡེ ཨུཔྤནྣེཧི ཏཱིཧི པསཱདདྷམྨེཧི། ཙཏཱུཧཱིཏི ཏེཧི ཨེཝ སདྡྷིཾ སཱིལེན། ཀོཙིདེཝཱཏིཨཱདི པརིཀཔྤཝསེན ཝུཏྟཾ བྷགཝཏི ཨཏྟནོ སདྡྷཱཡ ཨུལཱ༹རཏམབྷཱཝདསྶནཏྠཾ། ཏེནཱཧ ‘‘བྷགཝཏོ སབྦཉྙུཏཱཡཱ’’ཏིཨཱདི། དྷམྨོ སམུཔྤཱདོཏི ཝིཝཱདདྷམྨཨུཔྤཏྟིཧེཏུ། ཏདེཝ ཧི སནྡྷཱཡཱཧ ‘‘ཀིཉྩིདེཝ ཀཱརཎ’’ནྟི། ཀཱརཎནྟི ནཱནཱཀཱརཎཾ། ཀལྱཱཎཀུསལཝིམུཏྟནྟི ཨཀལྱཱཎཾ ཨཀུསལཾ, ཏདིདཾ ཡཐཱཝུཏྟཨཔྤསཱདནེན ཨཔནཱིཏཨཏྠདསྶནཏྠཾ། ཨསྶཱཏི མཧཱནཱམསཀྐསྶ། ཨནཝཛྫནདོསོ ཨེསོཏི ཙཏཱུསུ དྷམྨེསུ ཨེཀེནཔི སམནྣཱགཏོ སོཏཱཔནྣོ ཧོཏཱིཏི ཨནུཛཱནིཏྭཱ ཙཏཱུཧིཔི སམནྣཱགཏེན ཨཱཙིཀྑིཏབྦནྟི ཡཱཐཱཝཏོ ཨནཝཛྫནདོསོཏི ཨཏྠོ།
1019.Tīhīti ratanattaye uppannehi tīhi pasādadhammehi. Catūhīti tehi eva saddhiṃ sīlena. Kocidevātiādi parikappavasena vuttaṃ bhagavati attano saddhāya uḷāratamabhāvadassanatthaṃ. Tenāha ‘‘bhagavato sabbaññutāyā’’tiādi. Dhammo samuppādoti vivādadhammauppattihetu. Tadeva hi sandhāyāha ‘‘kiñcideva kāraṇa’’nti. Kāraṇanti nānākāraṇaṃ. Kalyāṇakusalavimuttanti akalyāṇaṃ akusalaṃ, tadidaṃ yathāvuttaappasādanena apanītaatthadassanatthaṃ. Assāti mahānāmasakkassa. Anavajjanadoso esoti catūsu dhammesu ekenapi samannāgato sotāpanno hotīti anujānitvā catūhipi samannāgatena ācikkhitabbanti yāthāvato anavajjanadosoti attho.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. གོདྷསཀྐསུཏྟཾ • 3. Godhasakkasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. གོདྷསཀྐསུཏྟཝཎྞནཱ • 3. Godhasakkasuttavaṇṇanā
