| Library / Tipiṭaka / д̇ибидага • Tipiṭaka / т̇зраг̇аат̇аабаал̣и • Theragāthāpāḷi |
2. г̇од̣̇ад̇д̇ад̇т̇зраг̇аат̇аа
2. Godattattheragāthā
659.
659.
‘‘яат̇ааби бхад̣̇д̣̇о ааж̇ан̃н̃о, д̇хурз яуд̇д̇о д̇хурассахо 1;
‘‘Yathāpi bhaddo ājañño, dhure yutto dhurassaho 2;
мат̇ид̇о ад̇ибхаарзна, сам̣яуг̇ам̣ наад̇ивад̇д̇ад̇и.
Mathito atibhārena, saṃyugaṃ nātivattati.
660.
660.
‘‘звам̣ бан̃н̃ааяа яз д̇ид̇д̇аа, самуд̣̇д̣̇о вааринаа яат̇аа;
‘‘Evaṃ paññāya ye tittā, samuddo vārinā yathā;
на барз ад̇иман̃н̃анд̇и, арияад̇хаммова баан̣инам̣.
Na pare atimaññanti, ariyadhammova pāṇinaṃ.
661.
661.
‘‘гаалз гаалавасам̣ бад̇д̇аа, бхаваабхававасам̣ г̇ад̇аа;
‘‘Kāle kālavasaṃ pattā, bhavābhavavasaṃ gatā;
нараа д̣̇угкам̣ ниг̇ажчанд̇и, д̇зд̇ха сожанд̇и маан̣аваа 3.
Narā dukkhaṃ nigacchanti, tedha socanti māṇavā 4.
662.
662.
‘‘уннад̇аа сукад̇хаммзна, д̣̇угкад̇хаммзна жонад̇аа;
‘‘Unnatā sukhadhammena, dukkhadhammena conatā;
д̣̇ваязна б̣аалаа хан̃н̃анд̇и, яат̇аабхууд̇ам̣ ад̣̇ассино.
Dvayena bālā haññanti, yathābhūtaṃ adassino.
663.
663.
‘‘яз жа д̣̇угкз сукасмин̃жа, маж̇жхз сиб̣б̣инимажжаг̇уу;
‘‘Ye ca dukkhe sukhasmiñca, majjhe sibbinimaccagū;
тид̇аа д̇з инд̣̇акийлова, на д̇з уннад̇аонад̇аа.
Ṭhitā te indakhīlova, na te unnataonatā.
664.
664.
‘‘на хзва лаабхз наалаабхз, на яасз на жа гид̇д̇ияаа;
‘‘Na heva lābhe nālābhe, na yase na ca kittiyā;
на нинд̣̇ааяам̣ басам̣сааяа, на д̇з д̣̇угкз сукамхи.
Na nindāyaṃ pasaṃsāya, na te dukkhe sukhamhi.
665.
665.
‘‘саб̣б̣ад̇т̇а д̇з на лимбанд̇и, уд̣̇аб̣инд̣̇ува богкарз;
‘‘Sabbattha te na limpanti, udabinduva pokkhare;
саб̣б̣ад̇т̇а сукид̇аа д̇хийраа, саб̣б̣ад̇т̇а абарааж̇ид̇аа.
Sabbattha sukhitā dhīrā, sabbattha aparājitā.
666.
666.
‘‘д̇хаммзна жа алаабхо яо, яо жа лаабхо ад̇хаммиго;
‘‘Dhammena ca alābho yo, yo ca lābho adhammiko;
алаабхо д̇хаммиго сзяяо, яам̣ жз лаабхо ад̇хаммиго.
Alābho dhammiko seyyo, yaṃ ce lābho adhammiko.
667.
667.
‘‘яасо жа аббаб̣уд̣̇д̇хийнам̣, вин̃н̃уунам̣ аяасо жа яо;
‘‘Yaso ca appabuddhīnaṃ, viññūnaṃ ayaso ca yo;
аяасова сзяяо вин̃н̃уунам̣, на яасо аббаб̣уд̣̇д̇хинам̣.
Ayasova seyyo viññūnaṃ, na yaso appabuddhinaṃ.
668.
668.
‘‘д̣̇уммзд̇хзхи басам̣саа жа, вин̃н̃уухи г̇арахаа жа яаа;
‘‘Dummedhehi pasaṃsā ca, viññūhi garahā ca yā;
г̇арахаава сзяяо вин̃н̃уухи, яам̣ жз б̣аалаббасам̣санаа.
Garahāva seyyo viññūhi, yaṃ ce bālappasaṃsanā.
669.
669.
‘‘сукан̃жа гаамамаяигам̣, д̣̇угкан̃жа бавивзгияам̣;
‘‘Sukhañca kāmamayikaṃ, dukkhañca pavivekiyaṃ;
бавивзгад̣̇угкам̣ сзяяо, яам̣ жз гаамамаяам̣ сукам̣.
Pavivekadukkhaṃ seyyo, yaṃ ce kāmamayaṃ sukhaṃ.
670.
670.
‘‘ж̇ийвид̇ан̃жа ад̇хаммзна, д̇хаммзна маран̣ан̃жа яам̣;
‘‘Jīvitañca adhammena, dhammena maraṇañca yaṃ;
маран̣ам̣ д̇хаммигам̣ сзяяо, яам̣ жз ж̇ийвз ад̇хаммигам̣.
Maraṇaṃ dhammikaṃ seyyo, yaṃ ce jīve adhammikaṃ.
671.
671.
‘‘гаамагобаббахийнаа яз, санд̇ажид̇д̇аа бхаваабхавз;
‘‘Kāmakopappahīnā ye, santacittā bhavābhave;
жаранд̇и логз асид̇аа, над̇т̇и д̇зсам̣ бияаабияам̣.
Caranti loke asitā, natthi tesaṃ piyāpiyaṃ.
672.
672.
‘‘бхааваяид̇ваана б̣ож̇жхан̇г̇з, инд̣̇рияаани б̣алаани жа;
‘‘Bhāvayitvāna bojjhaṅge, indriyāni balāni ca;
баббуяяа барамам̣ санд̇им̣, бариниб̣б̣анд̇инаасаваа’’д̇и.
Pappuyya paramaṃ santiṃ, parinibbantināsavā’’ti.
… г̇од̣̇ад̇д̇о т̇зро….
… Godatto thero….
жуд̣̇д̣̇асаганибаад̇о нидтид̇о.
Cuddasakanipāto niṭṭhito.
д̇ад̇руд̣̇д̣̇аанам̣ –
Tatruddānaṃ –
рзвад̇о жзва г̇од̣̇ад̇д̇о, т̇зраа д̣̇вз д̇з махид̣̇д̇хигаа;
Revato ceva godatto, therā dve te mahiddhikā;
жуд̣̇д̣̇асамхи нибаад̇амхи, г̇аат̇ааяо адтавийсад̇ийд̇и.
Cuddasamhi nipātamhi, gāthāyo aṭṭhavīsatīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зраг̇аат̇аа-адтагат̇аа • Theragāthā-aṭṭhakathā / 2. г̇од̣̇ад̇д̇ад̇т̇зраг̇аат̇ааван̣н̣анаа • 2. Godattattheragāthāvaṇṇanā
