| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
16. г̇ожаранаанад̇д̇ан̃аан̣анид̣̇д̣̇зсаван̣н̣анаа
16. Gocaranānattañāṇaniddesavaṇṇanā
67. г̇ожаранаанад̇д̇ан̃аан̣анид̣̇д̣̇зсз руубз б̣ахид̣̇д̇хаа вавад̇т̇зд̇ийд̇и аж̇жхад̇д̇ад̇о б̣ахид̣̇д̇хаабхууд̇з руубааяад̇анад̇хаммз вавад̇т̇абзд̇ийд̇и ад̇т̇о. авиж̇ж̇аасамбхууд̇аад̇иаад̣̇и ад̇д̇абхаавабарияаабаннагаммаж̇аруубад̇д̇аа вуд̇д̇ам̣. аахаароби хи гаммаж̇аруубасса убад̇т̇амбхагабажжаяо ход̇и. сад̣̇д̣̇асса бана уд̇ужид̇д̇асамудтаанад̇д̇аа авиж̇ж̇аасамбхууд̇аад̣̇ижад̇уггам̣ на вуд̇д̇ам̣. подтаб̣б̣аанам̣ саяам̣ махаабхууд̇ад̇д̇аа ‘‘жад̇уннам̣ махаабхууд̇аанам̣ убаад̣̇ааяаа’’д̇и на вуд̇д̇ам̣. д̇хаммаад̇и жзд̇т̇а бхаван̇г̇аманосамбаяуд̇д̇аа д̇аяо аруубино канд̇хаа, д̇хаммааяад̇анабарияаабаннаани сукумаруубаани жа гаммасамудтаанаани, саб̣б̣ааниби руубаад̣̇ийни жа. абижа яаани яаани язна язна самудтаханд̇и, д̇аани д̇аани д̇зна д̇зна взд̣̇ид̇аб̣б̣аани. ид̇арат̇аа хи сагасанд̇аанабарияаабаннааби руубаад̣̇аяо д̇хаммаа саб̣б̣з на сан̇г̇ан̣хзяяум̣. яасмаа анинд̣̇рияаб̣ад̣̇д̇харуубаад̣̇аяоби вибассануубаг̇аа, д̇асмаа д̇зсам̣ гаммасамбхууд̇абад̣̇зна сан̇г̇ахо взд̣̇ид̇аб̣б̣о. д̇зби хи саб̣б̣асад̇д̇асаад̇хааран̣агаммабажжаяауд̇усамудтаанаа. ан̃н̃з бана ‘‘анинд̣̇рияаб̣ад̣̇д̇хаа руубаад̣̇аяо авибассануубаг̇аа’’д̇и вад̣̇анд̇и. д̇ам̣ бана –
67. Gocaranānattañāṇaniddese rūpe bahiddhā vavatthetīti ajjhattato bahiddhābhūte rūpāyatanadhamme vavatthapetīti attho. Avijjāsambhūtātiādi attabhāvapariyāpannakammajarūpattā vuttaṃ. Āhāropi hi kammajarūpassa upatthambhakapaccayo hoti. Saddassa pana utucittasamuṭṭhānattā avijjāsambhūtādicatukkaṃ na vuttaṃ. Phoṭṭhabbānaṃ sayaṃ mahābhūtattā ‘‘catunnaṃ mahābhūtānaṃ upādāyā’’ti na vuttaṃ. Dhammāti cettha bhavaṅgamanosampayuttā tayo arūpino khandhā, dhammāyatanapariyāpannāni sukhumarūpāni ca kammasamuṭṭhānāni, sabbānipi rūpādīni ca. Apica yāni yāni yena yena samuṭṭhahanti, tāni tāni tena tena veditabbāni. Itarathā hi sakasantānapariyāpannāpi rūpādayo dhammā sabbe na saṅgaṇheyyuṃ. Yasmā anindriyabaddharūpādayopi vipassanūpagā, tasmā tesaṃ kammasambhūtapadena saṅgaho veditabbo. Tepi hi sabbasattasādhāraṇakammapaccayautusamuṭṭhānā. Aññe pana ‘‘anindriyabaddhā rūpādayo avipassanūpagā’’ti vadanti. Taṃ pana –
‘‘саб̣б̣з сан̇каараа анижжаад̇и, яад̣̇аа бан̃н̃ааяа бассад̇и;
‘‘Sabbe saṅkhārā aniccāti, yadā paññāya passati;
ат̇а ниб̣б̣инд̣̇ад̇и д̣̇угкз, зса маг̇г̇о висуд̣̇д̇хияаа’’д̇и. (д̇ха. ба. 277) –
Atha nibbindati dukkhe, esa maggo visuddhiyā’’ti. (dha. pa. 277) –
аад̣̇игааяа баал̣ияаа вируж̇жхад̇и. вуд̇д̇ан̃жа висуд̣̇д̇химаг̇г̇з – ‘‘ид̇хзгажжо аад̣̇ид̇ова аж̇жхад̇д̇асан̇каарз абхинивисид̇ваа вибассад̇и, яасмаа бана на суд̣̇д̇хааж̇жхад̇д̇ад̣̇ассанамад̇д̇знзва маг̇г̇авудтаанам̣ ход̇и, б̣ахид̣̇д̇хааби д̣̇адтаб̣б̣амзва, д̇асмаа барасса канд̇хзби анубаад̣̇иннасан̇каарзби анижжам̣ д̣̇угкаманад̇д̇аад̇и вибассад̇ий’’д̇и (висуд̣̇д̇хи. 2.784). д̇асмаа барзсам̣ жагкаад̣̇ивавад̇т̇аанамби анинд̣̇рияаб̣ад̣̇д̇харуубаад̣̇ивавад̇т̇аанамби ижчид̇аб̣б̣амзва, д̇асмаа д̇збхуумагасан̇каараа авибассануубаг̇аа наама над̇т̇и.
Ādikāya pāḷiyā virujjhati. Vuttañca visuddhimagge – ‘‘idhekacco āditova ajjhattasaṅkhāre abhinivisitvā vipassati, yasmā pana na suddhaajjhattadassanamatteneva maggavuṭṭhānaṃ hoti, bahiddhāpi daṭṭhabbameva, tasmā parassa khandhepi anupādinnasaṅkhārepi aniccaṃ dukkhamanattāti vipassatī’’ti (visuddhi. 2.784). Tasmā paresaṃ cakkhādivavatthānampi anindriyabaddharūpādivavatthānampi icchitabbameva, tasmā tebhūmakasaṅkhārā avipassanūpagā nāma natthi.
г̇ожаранаанад̇д̇ан̃аан̣анид̣̇д̣̇зсаван̣н̣анаа нидтид̇аа.
Gocaranānattañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 16. г̇ожаранаанад̇д̇ан̃аан̣анид̣̇д̣̇зсо • 16. Gocaranānattañāṇaniddeso
