| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. गिरिपुन्नागियत्थेरअपदानं
7. Giripunnāgiyattheraapadānaṃ
६१.
61.
‘‘सोभितो नाम सम्बुद्धो, चित्तकूटे वसी तदा।
‘‘Sobhito nāma sambuddho, cittakūṭe vasī tadā;
गहेत्वा गिरिपुन्नागं, सयम्भुं अभिपूजयिं॥
Gahetvā giripunnāgaṃ, sayambhuṃ abhipūjayiṃ.
६२.
62.
‘‘चतुन्नवुतितो कप्पे, यं बुद्धमभिपूजयिं।
‘‘Catunnavutito kappe, yaṃ buddhamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
६३.
63.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
६४.
64.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
६५.
65.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा गिरिपुन्नागियो थेरो इमा गाथायो
Itthaṃ sudaṃ āyasmā giripunnāgiyo thero imā gāthāyo
अभासित्थाति।
Abhāsitthāti.
गिरिपुन्नागियत्थेरस्सापदानं सत्तमं।
Giripunnāgiyattherassāpadānaṃ sattamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-६०. सकिंसम्मज्जकत्थेरअपदानादिवण्णना • 1-60. Sakiṃsammajjakattheraapadānādivaṇṇanā
