| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೪. ಗಿಲಾನಸುತ್ತವಣ್ಣನಾ
4. Gilānasuttavaṇṇanā
೧೦೫೦. ಚತುತ್ಥೇ ನ ಖೋ ಪನೇತನ್ತಿ ನ ಖೋ ಅಮ್ಹೇಹಿ ಏತಂ। ಸಪ್ಪಞ್ಞೋ ಉಪಾಸಕೋತಿ ಸೋತಾಪನ್ನೋ ಅಧಿಪ್ಪೇತೋ। ಅಸ್ಸಾಸನೀಯೇಹಿ ಧಮ್ಮೇಹೀತಿ ಅಸ್ಸಾಸಕರೇಹಿ ಧಮ್ಮೇಹಿ। ಅಸ್ಸಾಸತಾಯಸ್ಮಾತಿ ಅಸ್ಸಾಸತು ಆಯಸ್ಮಾ। ಮಾರಿಸೋತಿ ಮರಣಪಟಿಬದ್ಧೋ। ಮರಣಧಮ್ಮೋತಿ ಮರಣಸಭಾವೋ। ಅಧಿಮೋಚೇಹೀತಿ ಠಪೇಹಿ। ಅಧಿಮೋಚಿತನ್ತಿ ಠಪಿತಂ। ಏವಂ ವಿಮುತ್ತಚಿತ್ತಸ್ಸಾತಿ ಏವಂ ಅರಹತ್ತಫಲವಿಮುತ್ತಿಯಾ ವಿಮುತ್ತಚಿತ್ತಸ್ಸ। ಯದಿದಂ ವಿಮುತ್ತಿಯಾ ವಿಮುತ್ತನ್ತಿ ಯಂ ಇದಂ ವಿಮುತ್ತಿಂ ಆರಬ್ಭ ವಿಮುತ್ತಿಯಾ ನಾನಾಕರಣಂ ವತ್ತಬ್ಬಂ ಸಿಯಾ, ನ ತಂ ವದಾಮಿ। ಭಿಕ್ಖುಸಙ್ಘಸ್ಸ ಹಿ ಚೇತಿಯಙ್ಗಣಬೋಧಿಯಙ್ಗಣವತ್ತೇಸು ಚೇವ ಅಸೀತಿಕ್ಖನ್ಧಕವತ್ತೇಸು ಚಾತಿ ಆಗಮನೀಯಗುಣೇಸು ಪಮಾಣಂ ನಾಮ ನತ್ಥಿ, ಪಟಿವಿದ್ಧೇ ಪನ ಮಗ್ಗೇ ವಾ ಫಲೇ ವಾ ಉಪಾಸಕಾನಞ್ಚ ಭಿಕ್ಖೂನಞ್ಚ ನಾನಾಕರಣಂ ನತ್ಥಿ।
1050. Catutthe na kho panetanti na kho amhehi etaṃ. Sappañño upāsakoti sotāpanno adhippeto. Assāsanīyehi dhammehīti assāsakarehi dhammehi. Assāsatāyasmāti assāsatu āyasmā. Mārisoti maraṇapaṭibaddho. Maraṇadhammoti maraṇasabhāvo. Adhimocehīti ṭhapehi. Adhimocitanti ṭhapitaṃ. Evaṃvimuttacittassāti evaṃ arahattaphalavimuttiyā vimuttacittassa. Yadidaṃ vimuttiyā vimuttanti yaṃ idaṃ vimuttiṃ ārabbha vimuttiyā nānākaraṇaṃ vattabbaṃ siyā, na taṃ vadāmi. Bhikkhusaṅghassa hi cetiyaṅgaṇabodhiyaṅgaṇavattesu ceva asītikkhandhakavattesu cāti āgamanīyaguṇesu pamāṇaṃ nāma natthi, paṭividdhe pana magge vā phale vā upāsakānañca bhikkhūnañca nānākaraṇaṃ natthi.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ಗಿಲಾನಸುತ್ತಂ • 4. Gilānasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೪. ಗಿಲಾನಸುತ್ತವಣ್ಣನಾ • 4. Gilānasuttavaṇṇanā
