| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൧൦. ഗിലാനദസ്സനസുത്തവണ്ണനാ
10. Gilānadassanasuttavaṇṇanā
൩൫൨. ദസമേ ആരാമദേവതാതി പുപ്ഫാരാമഫലാരാമേസു അധിവത്ഥാ ദേവതാ. വനദേവതാതി വനസണ്ഡേസു അധിവത്ഥാ ദേവതാ. രുക്ഖദേവതാതി മത്തരാജകാലേ വേസ്സവണോ ച ദേവതാതി ഏവം തേസു തേസു രുക്ഖേസു അധിവത്ഥാ ദേവതാ. ഓസധിതിണവനപ്പതീസൂതി ഹരീതകാമലകീആദീസു മുഞ്ജപബ്ബജാദീസു വനജേട്ഠരുക്ഖേസു ച അധിവത്ഥാ ദേവതാ. സംഗമ്മാതി സന്നിപതിത്വാ. സമാഗമ്മാതി തതോ തതോ സമാഗന്ത്വാ. പണിധേഹീതി പത്ഥനാവസേന ഠപേഹി. ഇജ്ഝിസ്സതി സീലവതോ ചേതോപണിധീതി സമിജ്ഝിസ്സതി സീലവന്തസ്സ ചിത്തപത്ഥനാ. ധമ്മികോതി ദസകുസലധമ്മസമന്നാഗതോ അഗതിഗമനരഹിതോ. ധമ്മരാജാതി തസ്സേവ വേവചനം, ധമ്മേന വാ ലദ്ധരജ്ജത്താ ധമ്മരാജാ. തസ്മാതി ‘‘യസ്മാ തേന ഹി, അയ്യപുത്ത, അമ്ഹേപി ഓവദാഹീ’’തി വദഥ, തസ്മാ. അപ്പടിവിഭത്തന്തി ‘‘ഇദം ഭിക്ഖൂനം ദസ്സാമ, ഇദം അത്തനാ ഭുഞ്ജിസ്സാമാ’’തി ഏവം അവിഭത്തം ഭിക്ഖൂഹി സദ്ധിം സാധാരണമേവ ഭവിസ്സതീതി.
352. Dasame ārāmadevatāti pupphārāmaphalārāmesu adhivatthā devatā. Vanadevatāti vanasaṇḍesu adhivatthā devatā. Rukkhadevatāti mattarājakāle vessavaṇo ca devatāti evaṃ tesu tesu rukkhesu adhivatthā devatā. Osadhitiṇavanappatīsūti harītakāmalakīādīsu muñjapabbajādīsu vanajeṭṭharukkhesu ca adhivatthā devatā. Saṃgammāti sannipatitvā. Samāgammāti tato tato samāgantvā. Paṇidhehīti patthanāvasena ṭhapehi. Ijjhissati sīlavato cetopaṇidhīti samijjhissati sīlavantassa cittapatthanā. Dhammikoti dasakusaladhammasamannāgato agatigamanarahito. Dhammarājāti tasseva vevacanaṃ, dhammena vā laddharajjattā dhammarājā. Tasmāti ‘‘yasmā tena hi, ayyaputta, amhepi ovadāhī’’ti vadatha, tasmā. Appaṭivibhattanti ‘‘idaṃ bhikkhūnaṃ dassāma, idaṃ attanā bhuñjissāmā’’ti evaṃ avibhattaṃ bhikkhūhi saddhiṃ sādhāraṇameva bhavissatīti.
ചിത്തസംയുത്തവണ്ണനാ നിട്ഠിതാ.
Cittasaṃyuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. ഗിലാനദസ്സനസുത്തം • 10. Gilānadassanasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൦. ഗിലാനദസ്സനസുത്തവണ്ണനാ • 10. Gilānadassanasuttavaṇṇanā
