| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਘੋਸਿਤਸੁਤ੍ਤવਣ੍ਣਨਾ
6. Ghositasuttavaṇṇanā
੧੨੯. ਰੂਪਾ ਚ ਮਨਾਪਾਤਿ ਨੀਲਾਦਿਭੇਦਾ ਰੂਪਧਮ੍ਮਾ ਚ ਮਨਸਾ ਮਨੁਞ੍ਞਾ ਪਿਯਰੂਪਾ ਸਂવਿਜ੍ਜਨ੍ਤਿ, ਇਦਞ੍ਚ ਸੁਖવੇਦਨੀਯਸ੍ਸ ਫਸ੍ਸਸ੍ਸ ਸਭਾવਦਸ੍ਸਨਤ੍ਥਂ। ਏવਂ ‘‘ਰੂਪਾ ਚ ਮਨਾਪਾ ਉਪੇਕ੍ਖਾવੇਦਨਿਯਾ’’ਤਿ ਏਤ੍ਥਾਪਿ ਯਥਾਰਹਂ વਤ੍ਤਬ੍ਬਂ। ਚਕ੍ਖੁવਿਞ੍ਞਾਣ…ਪੇ॰… ਫਸ੍ਸਨ੍ਤਿ વੁਤ੍ਤਂ। ਉਪਨਿਸ੍ਸਯਕੋਟਿਯਾ ਹਿ ਚਕ੍ਖੁવਿਞ੍ਞਾਣਸਮ੍ਪਯੁਤ੍ਤਫਸ੍ਸੋ ਸੁਖવੇਦਨੀਯੋ, ਨ ਸਹਜਾਤਕੋਟਿਯਾ। ਤੇਨਾਹ – ‘‘ਏਕਂ ਫਸ੍ਸਂ ਪਟਿਚ੍ਚ ਜવਨવਸੇਨ ਸੁਖવੇਦਨਾ ਉਪ੍ਪਜ੍ਜਤੀ’’ਤਿ। ਸੇਸਪਦੇਸੂਤਿ ‘‘ਸਂવਿਜ੍ਜਤਿ ਖੋ, ਗਹਪਤਿ, ਸੋਤਧਾਤੂ’’ਤਿ ਆਗਤੇਸੁ ਪਞ੍ਚਸੁ ਕੋਟ੍ਠਾਸੇਸੁ।
129.Rūpā ca manāpāti nīlādibhedā rūpadhammā ca manasā manuññā piyarūpā saṃvijjanti, idañca sukhavedanīyassa phassassa sabhāvadassanatthaṃ. Evaṃ ‘‘rūpā ca manāpā upekkhāvedaniyā’’ti etthāpi yathārahaṃ vattabbaṃ. Cakkhuviññāṇa…pe… phassanti vuttaṃ. Upanissayakoṭiyā hi cakkhuviññāṇasampayuttaphasso sukhavedanīyo, na sahajātakoṭiyā. Tenāha – ‘‘ekaṃ phassaṃ paṭicca javanavasena sukhavedanā uppajjatī’’ti. Sesapadesūti ‘‘saṃvijjati kho, gahapati, sotadhātū’’ti āgatesu pañcasu koṭṭhāsesu.
ਤੇવੀਸਤਿ ਧਾਤੁਯੋ ਕਥਿਤਾ ਛਨ੍ਨਂ ਦ੍વਾਰਾਨਂ વਸੇਨ વਿਭਜ੍ਜਗਹਣੇਨ। વਤ੍ਥੁਨਿਸ੍ਸਿਤਨ੍ਤਿ ਹਦਯવਤ੍ਥੁਨਿਸ੍ਸਿਤਂ। ਪਞ੍ਚਦ੍વਾਰੇ વੀਸਤਿ, ਮਨੋਦ੍વਾਰੇ ਤਿਸ੍ਸੋ ਏવਂ ਤੇવੀਸਤਿ।
Tevīsatidhātuyo kathitā channaṃ dvārānaṃ vasena vibhajjagahaṇena. Vatthunissitanti hadayavatthunissitaṃ. Pañcadvāre vīsati, manodvāre tisso evaṃ tevīsati.
ਘੋਸਿਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Ghositasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਘੋਸਿਤਸੁਤ੍ਤਂ • 6. Ghositasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਘੋਸਿਤਸੁਤ੍ਤવਣ੍ਣਨਾ • 6. Ghositasuttavaṇṇanā
