| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਘਟਸੁਤ੍ਤવਣ੍ਣਨਾ
3. Ghaṭasuttavaṇṇanā
੨੩੭. ਪਰਿવੇਣਗ੍ਗੇਨਾਤਿ ਪਰਿવੇਣਭਾਗੇਨ। ਕੇਚਿ ‘‘ਏਕવਿਹਾਰੇਤਿ ਏਕਚ੍ਛਨ੍ਨੇ ਏਕਸ੍ਮਿਂ ਆવਾਸੇ’’ਤਿ વਦਨ੍ਤਿ। ਤੇਤਿ ਤੇ ਦ੍વੇਪਿ ਥੇਰਾ। ਪਾਟਿਯੇਕ੍ਕੇਸੁ ਠਾਨੇਸੂਤਿ વਿਸੁਂ વਿਸੁਂ ਠਾਨੇਸੁ। ਨਿਸੀਦਨ੍ਤੀਤਿ ਦਿવਾવਿਹਾਰਂ ਨਿਸੀਦਨ੍ਤਿ। ਓਲ਼ਾਰਿਕੋ ਨਾਮ ਜਾਤੋ ਪਰਿਤ੍ਤਧਮ੍ਮਾਰਮ੍ਮਣਤ੍ਤਾ ਤਸ੍ਸ। ਤੇਤਿ ਥੇਰੋ ਭਗવਾ ਚ।
237.Pariveṇaggenāti pariveṇabhāgena. Keci ‘‘ekavihāreti ekacchanne ekasmiṃ āvāse’’ti vadanti. Teti te dvepi therā. Pāṭiyekkesu ṭhānesūti visuṃ visuṃ ṭhānesu. Nisīdantīti divāvihāraṃ nisīdanti. Oḷāriko nāma jāto parittadhammārammaṇattā tassa. Teti thero bhagavā ca.
ਪਰਿਪੁਣ੍ਣવੀਰਿਯੋਤਿ ਚਤੁਕਿਚ੍ਚਸਾਧਨવਸੇਨ ਸਮ੍ਪੁਣ੍ਣવੀਰਿਯੋ। ਪਗ੍ਗਹਿਤવੀਰਿਯੋਤਿ ਈਸਕਮ੍ਪਿ ਸਙ੍ਕੋਚਂ ਅਨਾਪਜ੍ਜਿਤ੍વਾ ਪવਤ੍ਤਿਤવੀਰਿਯੋ। ਉਪਨਿਕ੍ਖੇਪਨਮਤ੍ਤਸ੍ਸੇવਾਤਿ ਸਮੀਪੇ ਠਪਨਮਤ੍ਤਸ੍ਸੇવ।
Paripuṇṇavīriyoti catukiccasādhanavasena sampuṇṇavīriyo. Paggahitavīriyoti īsakampi saṅkocaṃ anāpajjitvā pavattitavīriyo. Upanikkhepanamattassevāti samīpe ṭhapanamattasseva.
ਚਤੁਭੂਮਕਧਮ੍ਮੇਸੁ ਲਬ੍ਭਮਾਨਤ੍ਤਾ ਪਞ੍ਞਾਯ ‘‘ਚਤੁਭੂਮਕਧਮ੍ਮੇ ਅਨੁਪવਿਸਿਤ੍વਾ ਠਿਤਟ੍ਠੇਨਾ’’ਤਿ વੁਤ੍ਤਂ। ਲਕ੍ਖਿਤਬ੍ਬਟ੍ਠੇਨ ਸਮਾਧਿ ਏવ ਸਮਾਧਿਲਕ੍ਖਣਂ। ਏવਂ વਿਪਸ੍ਸਨਾਲਕ੍ਖਣਂ વੇਦਿਤਬ੍ਬਂ। ਅਞ੍ਞਮਞ੍ਞਸ੍ਸਾਤਿ ਅਞ੍ਞਸ੍ਸ ਅਞ੍ਞਸ੍ਸ ਨਾਨਾਲਕ੍ਖਣਾਤਿ વੇਦਿਤਬ੍ਬਂ। ਅਞ੍ਞਸ੍ਸਾਤਿ ਇਤਰਸ੍ਸ। ਧੁਰਨ੍ਤਿ વਹਿਤਬ੍ਬਭਾਰਂ। ਦ੍વੀਸੁਪਿ ਏਤੇਸੂਤਿ ਸਮਾਧਿਲਕ੍ਖਣવਿਪਸ੍ਸਨਾਲਕ੍ਖਣੇਸੁ ਸਮ੍ਮਾਸਮ੍ਬੁਦ੍ਧੋ ਨਿਪ੍ਫਤ੍ਤਿਂ ਗਤੋ।
Catubhūmakadhammesu labbhamānattā paññāya ‘‘catubhūmakadhamme anupavisitvā ṭhitaṭṭhenā’’ti vuttaṃ. Lakkhitabbaṭṭhena samādhi eva samādhilakkhaṇaṃ. Evaṃ vipassanālakkhaṇaṃ veditabbaṃ. Aññamaññassāti aññassa aññassa nānālakkhaṇāti veditabbaṃ. Aññassāti itarassa. Dhuranti vahitabbabhāraṃ. Dvīsupi etesūti samādhilakkhaṇavipassanālakkhaṇesu sammāsambuddho nipphattiṃ gato.
ਘਟਸੁਤ੍ਤવਣ੍ਣਨਾ ਨਿਟ੍ਠਿਤਾ।
Ghaṭasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਘਟਸੁਤ੍ਤਂ • 3. Ghaṭasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਘਟਸੁਤ੍ਤવਣ੍ਣਨਾ • 3. Ghaṭasuttavaṇṇanā
