| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪. ਗਾવੀਉਪਮਾਸੁਤ੍ਤવਣ੍ਣਨਾ
4. Gāvīupamāsuttavaṇṇanā
੩੫. ਚਤੁਤ੍ਥੇ ਪਬ੍ਬਤਚਾਰਿਨੀਤਿ ਪਕਤਿਯਾ ਪਬ੍ਬਤੇ ਬਹੁਲਚਾਰਿਨੀ। ਅਖੇਤ੍ਤਞ੍ਞੂਤਿ (વਿਸੁਦ੍ਧਿ॰ ਮਹਾਟੀ॰ ੧.੭੭) ਅਗੋਚਰਞ੍ਞੂ। ਸਮਾਧਿਪਰਿਪਨ੍ਤਾਨਂ વਿਸੋਧਨਾਨਭਿਞ੍ਞਤਾਯ ਬਾਲੋ। ਝਾਨਸ੍ਸ ਪਗੁਣਭਾવਾਪਾਦਨવੇਯ੍ਯਤ੍ਤਿਯਸ੍ਸ ਅਭਾવੇਨ ਅਬ੍ਯਤ੍ਤੋ। ਉਪਰਿਝਾਨਸ੍ਸ ਪਦਟ੍ਠਾਨਭਾવਾਨવਬੋਧੇਨ ਅਖੇਤ੍ਤਞ੍ਞੂ। ਸਬ੍ਬਥਾਪਿ ਸਮਾਪਤ੍ਤਿਕੋਸਲ੍ਲਾਭਾવੇਨ ਅਕੁਸਲੋ। ਸਮਾਧਿਨਿਮਿਤ੍ਤਸ੍ਸ વਾ ਅਨਾਸੇવਨਾਯ ਬਾਲੋ। ਅਭਾવਨਾਯ ਅਬ੍ਯਤ੍ਤੋ। ਅਬਹੁਲੀਕਾਰੇਨ ਅਖੇਤ੍ਤਞ੍ਞੂ। ਸਮ੍ਮਦੇવ ਅਨਧਿਟ੍ਠਾਨਤੋ ਅਕੁਸਲੋਤਿ ਯੋਜੇਤਬ੍ਬਂ। ਉਭਤੋ ਭਟ੍ਠੋਤਿ ਉਭਯਤੋ ਝਾਨਤੋ ਭਟ੍ਠੋ। ਸੋ ਹਿ ਅਪ੍ਪਗੁਣਤਾਯ ਨ ਸੁਪ੍ਪਤਿਟ੍ਠਿਤਤਾਯ ਸਉਸ੍ਸਾਹੋਪਿ વਿਨਾਸਤੋ ਅਸਾਮਤ੍ਥਿਯਤੋ ਚ ਝਾਨਦ੍વਯਤੋ ਪਰਿਹੀਨੋ।
35. Catutthe pabbatacārinīti pakatiyā pabbate bahulacārinī. Akhettaññūti (visuddhi. mahāṭī. 1.77) agocaraññū. Samādhiparipantānaṃ visodhanānabhiññatāya bālo. Jhānassa paguṇabhāvāpādanaveyyattiyassa abhāvena abyatto. Uparijhānassa padaṭṭhānabhāvānavabodhena akhettaññū. Sabbathāpi samāpattikosallābhāvena akusalo. Samādhinimittassa vā anāsevanāya bālo. Abhāvanāya abyatto. Abahulīkārena akhettaññū. Sammadeva anadhiṭṭhānato akusaloti yojetabbaṃ. Ubhato bhaṭṭhoti ubhayato jhānato bhaṭṭho. So hi appaguṇatāya na suppatiṭṭhitatāya saussāhopi vināsato asāmatthiyato ca jhānadvayato parihīno.
ਗਾવੀਉਪਮਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Gāvīupamāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਗਾવੀਉਪਮਾਸੁਤ੍ਤਂ • 4. Gāvīupamāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਗਾવੀਉਪਮਾਸੁਤ੍ਤવਣ੍ਣਨਾ • 4. Gāvīupamāsuttavaṇṇanā
