| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
४. गावीउपमासुत्तवण्णना
4. Gāvīupamāsuttavaṇṇanā
३५. चतुत्थे पब्बतचारिनीति पकतिया पब्बते बहुलचारिनी। अखेत्तञ्ञूति (विसुद्धि॰ महाटी॰ १.७७) अगोचरञ्ञू। समाधिपरिपन्तानं विसोधनानभिञ्ञताय बालो। झानस्स पगुणभावापादनवेय्यत्तियस्स अभावेन अब्यत्तो। उपरिझानस्स पदट्ठानभावानवबोधेन अखेत्तञ्ञू। सब्बथापि समापत्तिकोसल्लाभावेन अकुसलो। समाधिनिमित्तस्स वा अनासेवनाय बालो। अभावनाय अब्यत्तो। अबहुलीकारेन अखेत्तञ्ञू। सम्मदेव अनधिट्ठानतो अकुसलोति योजेतब्बं। उभतो भट्ठोति उभयतो झानतो भट्ठो। सो हि अप्पगुणताय न सुप्पतिट्ठितताय सउस्साहोपि विनासतो असामत्थियतो च झानद्वयतो परिहीनो।
35. Catutthe pabbatacārinīti pakatiyā pabbate bahulacārinī. Akhettaññūti (visuddhi. mahāṭī. 1.77) agocaraññū. Samādhiparipantānaṃ visodhanānabhiññatāya bālo. Jhānassa paguṇabhāvāpādanaveyyattiyassa abhāvena abyatto. Uparijhānassa padaṭṭhānabhāvānavabodhena akhettaññū. Sabbathāpi samāpattikosallābhāvena akusalo. Samādhinimittassa vā anāsevanāya bālo. Abhāvanāya abyatto. Abahulīkārena akhettaññū. Sammadeva anadhiṭṭhānato akusaloti yojetabbaṃ. Ubhato bhaṭṭhoti ubhayato jhānato bhaṭṭho. So hi appaguṇatāya na suppatiṭṭhitatāya saussāhopi vināsato asāmatthiyato ca jhānadvayato parihīno.
गावीउपमासुत्तवण्णना निट्ठिता।
Gāvīupamāsuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ४. गावीउपमासुत्तं • 4. Gāvīupamāsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ४. गावीउपमासुत्तवण्णना • 4. Gāvīupamāsuttavaṇṇanā
