| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৪. গাৰীউপমাসুত্তৰণ্ণনা
4. Gāvīupamāsuttavaṇṇanā
৩৫. চতুত্থে পব্বতচারিনীতি পকতিযা পব্বতে বহুলচারিনী। অখেত্তঞ্ঞূতি (ৰিসুদ্ধি॰ মহাটী॰ ১.৭৭) অগোচরঞ্ঞূ। সমাধিপরিপন্তানং ৰিসোধনানভিঞ্ঞতায বালো। ঝানস্স পগুণভাৰাপাদনৰেয্যত্তিযস্স অভাৰেন অব্যত্তো। উপরিঝানস্স পদট্ঠানভাৰানৰবোধেন অখেত্তঞ্ঞূ। সব্বথাপি সমাপত্তিকোসল্লাভাৰেন অকুসলো। সমাধিনিমিত্তস্স ৰা অনাসেৰনায বালো। অভাৰনায অব্যত্তো। অবহুলীকারেন অখেত্তঞ্ঞূ। সম্মদেৰ অনধিট্ঠানতো অকুসলোতি যোজেতব্বং। উভতো ভট্ঠোতি উভযতো ঝানতো ভট্ঠো। সো হি অপ্পগুণতায ন সুপ্পতিট্ঠিততায সউস্সাহোপি ৰিনাসতো অসামত্থিযতো চ ঝানদ্ৰযতো পরিহীনো।
35. Catutthe pabbatacārinīti pakatiyā pabbate bahulacārinī. Akhettaññūti (visuddhi. mahāṭī. 1.77) agocaraññū. Samādhiparipantānaṃ visodhanānabhiññatāya bālo. Jhānassa paguṇabhāvāpādanaveyyattiyassa abhāvena abyatto. Uparijhānassa padaṭṭhānabhāvānavabodhena akhettaññū. Sabbathāpi samāpattikosallābhāvena akusalo. Samādhinimittassa vā anāsevanāya bālo. Abhāvanāya abyatto. Abahulīkārena akhettaññū. Sammadeva anadhiṭṭhānato akusaloti yojetabbaṃ. Ubhato bhaṭṭhoti ubhayato jhānato bhaṭṭho. So hi appaguṇatāya na suppatiṭṭhitatāya saussāhopi vināsato asāmatthiyato ca jhānadvayato parihīno.
গাৰীউপমাসুত্তৰণ্ণনা নিট্ঠিতা।
Gāvīupamāsuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৪. গাৰীউপমাসুত্তং • 4. Gāvīupamāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. গাৰীউপমাসুত্তৰণ্ণনা • 4. Gāvīupamāsuttavaṇṇanā
