| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. ගතසඤ්ඤකත්ථෙරඅපදානං
3. Gatasaññakattheraapadānaṃ
10.
10.
‘‘ආකාසෙව පදං නත්ථි, අම්බරෙ අනිලඤ්ජසෙ;
‘‘Ākāseva padaṃ natthi, ambare anilañjase;
සිද්ධත්ථං ජිනමද්දක්ඛිං, ගච්ඡන්තං තිදිවඞ්ගණෙ 1.
Siddhatthaṃ jinamaddakkhiṃ, gacchantaṃ tidivaṅgaṇe 2.
11.
11.
‘‘අනිලෙනෙරිතං දිස්වා, සම්මාසම්බුද්ධචීවරං;
‘‘Anileneritaṃ disvā, sammāsambuddhacīvaraṃ;
12.
12.
‘‘චතුන්නවුතිතො කප්පෙ, යං සඤ්ඤමලභිං තදා;
‘‘Catunnavutito kappe, yaṃ saññamalabhiṃ tadā;
දුග්ගතිං නාභිජානාමි, බුද්ධසඤ්ඤායිදං ඵලං.
Duggatiṃ nābhijānāmi, buddhasaññāyidaṃ phalaṃ.
13.
13.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා ගතසඤ්ඤකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā gatasaññako thero imā gāthāyo abhāsitthāti.
ගතසඤ්ඤකත්ථෙරස්සාපදානං තතියං.
Gatasaññakattherassāpadānaṃ tatiyaṃ.
Footnotes:
