| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. ගතසඤ්ඤකත්ථෙරඅපදානං
2. Gatasaññakattheraapadānaṃ
10.
10.
‘‘ජාතියා සත්තවස්සොහං, පබ්බජිං අනගාරියං;
‘‘Jātiyā sattavassohaṃ, pabbajiṃ anagāriyaṃ;
අවන්දිං සත්ථුනො පාදෙ, විප්පසන්නෙන චෙතසා.
Avandiṃ satthuno pāde, vippasannena cetasā.
11.
11.
‘‘සත්තනඞ්ගලකීපුප්ඵෙ, ආකාසෙ උක්ඛිපිං අහං;
‘‘Sattanaṅgalakīpupphe, ākāse ukkhipiṃ ahaṃ;
තිස්සං බුද්ධං සමුද්දිස්ස, අනන්තගුණසාගරං.
Tissaṃ buddhaṃ samuddissa, anantaguṇasāgaraṃ.
12.
12.
‘‘සුගතානුගතං මග්ගං, පූජෙත්වා හට්ඨමානසො;
‘‘Sugatānugataṃ maggaṃ, pūjetvā haṭṭhamānaso;
13.
13.
‘‘ද්වෙනවුතෙ ඉතො කප්පෙ, යං කම්මමකරිං තදා;
‘‘Dvenavute ito kappe, yaṃ kammamakariṃ tadā;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
14.
14.
‘‘ඉතො අට්ඨමකෙ කප්පෙ, තයො අග්ගිසිඛා අහු;
‘‘Ito aṭṭhamake kappe, tayo aggisikhā ahu;
සත්තරතනසම්පන්නා, චක්කවත්තී මහබ්බලා.
Sattaratanasampannā, cakkavattī mahabbalā.
15.
15.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා ගතසඤ්ඤකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā gatasaññako thero imā gāthāyo abhāsitthāti.
ගතසඤ්ඤකත්ථෙරස්සාපදානං දුතියං.
Gatasaññakattherassāpadānaṃ dutiyaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 2. ගතසඤ්ඤකත්ථෙරඅපදානවණ්ණනා • 2. Gatasaññakattheraapadānavaṇṇanā
